ചെന്നൈ: ചെന്നൈ ആസ്ഥാനമായി പ്രവര്ത്തിക്കുന്ന മനീതി വനിതാ കൂട്ടായ്മ ഇത്തവണയും ശബരിമലയിലേക്ക് യുവതികളുമായി എത്തുമെന്ന് സൂചന.
നിയനിര്മാണം സാധ്യമല്ലെന്നും സുപ്രീം കോടതി വിധി നടപ്പില് വരുത്തുമെന്നും മുഖ്യമന്ത്രി നിയമസഭയില് പറഞ്ഞിരുന്നു. ഇതിനു പിന്നാലെയാണ് ഏഷ്യാനെറ്റ് ന്യൂസിനോട് മനീതി സംഘത്തിലെ അംഗം സെല്വിയുടെ പ്രതികരണം.
‘ സുപ്രീം കോടതി വിധി നടപ്പാക്കുമെന്ന് നിയമസഭയില് മുഖ്യമന്ത്രി വ്യക്തമാക്കയിട്ടുണ്ട്. എന്നാല് കേരള സര്ക്കാര് പൂര്ണമായും സുരക്ഷ തരുമെന്ന് വിശ്വാസമില്ല. മുഖ്യമന്ത്രിയെ കാണാന് ശ്രമിച്ചിട്ട് കൂടി ഇതുവരെ നടന്നില്ല. കര്ണാടക, പശ്ചിമബംഗാള് എന്നിവിടങ്ങളിലുള്ള മൂന്ന് യുവതികള് ശബരിമല ദര്ശനം നടത്താന് താത്പര്യമറിയിച്ചിട്ടുണ്ട്. കേരളത്തിലുള്ള യുവതികളും ഒരുമിച്ച് ദര്ശനം നടത്താന് സന്നദ്ധത അറിയിച്ചിട്ടുണ്ട്. പത്തിലധികം പേര് ഉണ്ടെങ്കില് തമിഴ്നാട്ടില് നിന്ന് ഞങ്ങള് സംഘമായി തന്നെപോകും. കഴിഞ്ഞ തവണ ദര്ശനത്തിന് ശ്രമിച്ച ബിന്ദു, മാധവി ഉള്പ്പെടെയുള്ളവര് ബന്ധപ്പെട്ടിട്ടുണ്ട്”- സെല്വി പറഞ്ഞു.
