സാവോപൗലോ: മുന് ബ്രസീല് ക്യാപ്റ്റനും ലോകകപ്പ് കീരീട ജേതാവുമായ കഫുവിന്റെ മകന് ഫുട്ബോള് മൈതാനത്ത് ദാരുണാന്ത്യം. ഫുട്ബോള് കളിക്കുന്നതിനിടെ ഹൃദയാഘാതത്തെ തുടര്ന്നായിരുന്നു കഫുവിന്റെ മകന് ഡാനിലോയുടെ (30) അന്ത്യം. വേദന തോന്നിയ ഉടനെ ആശുപത്രിയിലേക്കെത്തിച്ചെങ്കിലും മരണം സംഭവിക്കുകയായിരുന്നു.
2002-ല് കിരീടം നേടിയ ബ്രസീല് ടീമിന്റെ ക്യാപ്റ്റനായിരുന്നു. ബ്രസീലിനായി 142 മത്സരം കളിച്ച താരമാണ് കഫു. പതിനാറുവര്ഷം നീണ്ട കരിയറില് മൂന്നുതവണ ലോകകപ്പ് ഫൈനലില് കളിച്ച കഫു രണ്ടുതവണ കിരീടം (1994, 2002) നേടിയ ടീമിലെ അംഗമായിരുന്നു.
