ഇന്ത്യയില് കഴിഞ്ഞ 24 മണിക്കൂറിനിടെ 34,703 പുതിയ കേസുകള് റിപ്പോര്ട്ട് ചെയ്തു. 111 ദിവസത്തിനിടയിലെ ഏറ്റവും കുറഞ്ഞ നിരക്കാണിത്. 51,864 പേര് രോഗമുക്തി നേടി ആശുപത്രി വിട്ടു. നിലവില് വിവിധ സംസ്ഥാനങ്ങളിലായി 4.64 ലക്ഷം പേരാണ് ചികിത്സയില് കഴിയുന്നത്.
553 മരണമാണ് ഇന്നലെ കോവിഡ് മൂലം രാജ്യത്ത് സംഭവിച്ചത്. ഇതോടെ രാജ്യത്തെ ആകെ മരണ നിരക്ക് 4.03 ലക്ഷമായി ഉയര്ന്നു. രോഗമുക്തി നിരക്ക് 97.17 ശതമാനമാണ്. 35.75 കോടി വാക്സിന് ഡോസുകളാണ് സംസ്ഥാനങ്ങള്ക്കും കേന്ദ്ര ഭരണ പ്രദേശങ്ങള്ക്കുമായി ഇതുവരെ വിതരണം ചെയ്തിട്ടുള്ളത്.രാജ്യത്ത് ഇന്നലെ ഒരു സംസ്ഥാനത്തും പതിനായിരത്തിന് മുകളില് പ്രതിദിന കേസുകള് റിപ്പോര്ട്ട് ചെയ്തില്ല. രോഗവ്യാപനം കൂടുതലുള്ള കേരളത്തില് 8,037 പേര്ക്കാണ് രോഗം ബാധിച്ചത്. മഹാരാഷ്ട്രയില് കേസുകള് 6,740 ആയി കുറയുകയും ചെയ്തു.
