ശ്രീനഗര്: ജമ്മു കശ്മീരിലെ പൂഞ്ചില് പാകിസ്താന് പൗരന് പിടിയിലായെന്ന് സൈന്യം. നിയന്ത്രണ രേഖയില് നിന്നാണ് ഇയാളെ പിടികൂടിയത് . കൂടുതല് അന്വേഷണം നടക്കുന്നതായി സൈന്യം അറിയിച്ചു.
പൂഞ്ച് സെക്ടറിലെ നിയന്ത്രണരേഖയില് നിന്ന് ഒരു പാകിസ്ഥാന് പൗരനെ പിടികൂടിയതായി ഒരു സൈനിക ഉദ്യോഗസ്ഥന് പറഞ്ഞു. പഹല്ഗാം ഭീകരാക്രമണത്തിന് ശേഷം ഇന്ത്യയും പാകിസ്താനും തമ്മിലുള്ള സംഘര്ഷം രൂക്ഷമായി സാഹചര്യത്തിലാണ് അറസ്റ്റ്.
അതേസമയം ആക്രമണത്തിന്റെ പശ്ചാത്തലത്തില് ദേശീയ സുരക്ഷാ ഉപദേഷ്ടാവ് പ്രധാനമന്ത്രിയുമായി കൂടിക്കാഴ്ച നടത്തി. അതിര്ത്തിയില് പാക്കിസ്ഥാന് പ്രകോപനം തുടരുന്ന പശ്ചാത്തലത്തില് അതീവ സുരക്ഷയാണ് ഏര്പ്പെടുത്തിയിരിക്കുന്നത്. നിയന്ത്രണ രേഖയില് സൈനിക നീക്കങ്ങള് ഉണ്ടായാല് നേരിടാന് വേണ്ട തയ്യാറെടുപ്പുകള് സേന വിലയിരുത്തി. ദേശീയ സുരക്ഷാ ഉപദേഷ്ടാവ് പ്രധാനമന്ത്രിയുമായി കൂടിക്കാഴ്ച നടത്തി.
