മധ്യപ്രദേശ്∙ ‘ദ് കേരള സ്റ്റോറ്റി’ക്ക് നികുതി ഇളവുനല്കി മധ്യപ്രദേശ് സർക്കാർ. മധ്യപ്രദേശ് മുഖ്യമന്ത്രി ശിവ്രാജ് സിങ്ങ് ചൗഹാനാണ് ഇളവ് പ്രഖ്യാപിച്ചത്. അദ്ദേഹം തന്റെ ട്വിറ്റർ പോസ്റ്റിലൂടെയാണ് ഇത് വ്യക്തമാക്കിയത്.
ട്വിറ്റർ പോസ്റ്റിർ ഇങ്ങനെ:
‘ഭീകരപ്രവർത്തനം തുറന്നുകാട്ടുന്നതാണ് സിനിമ. ഇത് എല്ലാത്തരം ആളുകളും കാണണം. ഇതിനായാണ് നികുതിയിളവ് പ്രഖ്യാപിച്ചത്’- ശിവ്രാജ് സിങ്ങ് ചൗഹാൻ പറഞ്ഞു. ബിജെപിയും ഹൈന്ദവ സംഘടനകളും ചിത്രത്തിന്റെ നികുതി ഒഴിവാക്കണമെന്ന് മുഖ്യമന്ത്രിയോട് നേരത്തെ ആവശ്യപ്പെട്ടിരുന്നു.
ഇതേ സമയം ‘ദ് കേരള സ്റ്റോറി’ കേരളത്തിൽ 20 തിയറ്ററുകളിലാണ് വെള്ളിയാഴ്ച പ്രദര്ശിപ്പിച്ചത്. സിനിമയുടെ പ്രദർശനം തടയണമെന്ന ആവശ്യം കേരള ഹൈക്കോടതി തള്ളിയിരുന്നു. ചിത്രം പ്രദർശിപ്പിക്കുന്നതുകൊണ്ട് ഒന്നും സംഭവിക്കില്ലെന്നും സാങ്കൽപിക ചിത്രമാണത്, ചരിത്രസിനിമയല്ലെന്നും കോടതി പറഞ്ഞിരുന്നു. യഥാർഥ സംഭവങ്ങളെ ആധാരമാക്കിയുള്ള സാങ്കൽപിക കഥയാണെന്ന് ഉൾപ്പെടെ സിനിമയുടെ ഡിസ്ക്ലെയ്മറിൽ ഉണ്ടെന്നു കമ്പനി അറിയിച്ചത് പരിഗണിച്ചാണ് ഹൈക്കോടതി ആവശ്യം തള്ളിയത്.
