കുന്ദമംഗലം; അഞ്ചുമാസമായി ബ്ലോക്ക് പഞ്ചായത്ത് വൈസ് പ്രസിഡന്റ് ശിവദാസന്‍ നായരില്‍ നിന്നും പീഡനം നേരിടുന്നുവെന്ന വെളിപ്പെടുത്തലുമായി കുന്ദമംഗലം ബ്ലോക്ക് പഞ്ചായത്ത് പ്രസിഡന്റ് വിജി മുപ്രമ്മല്‍. ശിവദാസന്‍ നായര്‍ വിജി മുപ്രമ്മലിനെതിരെ അവിശ്വാസ പ്രമേയം അവതരിപ്പിച്ചതിന് പിന്നാലെയാണ് പ്രതികരണം.
ഡിസിസി പ്രസിഡന്റ് ടി. സിദ്ധിക്കിന് നല്‍കിയ പരാതിയാല്‍ താന്‍ അഞ്ചുമാസത്തോളമായി നിരന്തരം പീഡനം അനുഭവിക്കുകയാണെന്നും ഒരു സ്ത്രീയോട് പെരുമാറേണ്ട രീതിയിലല്ല തുടര്‍ച്ചയായ അദ്ദേഹത്തിന്റെ പെരുമാറ്റം ആയതിനാല്‍ സ്ഥാനത്ത് തുടരാന്‍ താല്‍പ്പര്യമില്ല എന്നും അദ്ദേഹത്തിനെതിരെ നിയമനടപടി സ്വീകരിച്ച് മുന്നോട്ട് പോവുമെന്നും വ്യക്തമാക്കുന്നു.
എന്നാല്‍ ബ്ലോക്ക് പഞ്ചായത്തില്‍ തുടരുന്ന ഏകാതിപത്യ നടപടികളാണ് അവിശ്വാസ പ്രമേയമവതരിപ്പിക്കാന്‍ കാരണമെന്നാണ് ശിവദാസന്‍ നായര്‍ പറയുന്നത്.
