കുന്ദമംഗലം; ഓണാഘോഷത്തിന്റെ ഭാഗമായി കുന്ദമംഗലത്ത് കുടുംബശ്രീ നടത്തുന്ന ഓണച്ചന്തയ്ക്ക് തുടക്കമായി. കുന്ദമംഗലം പഞ്ചായത്തിലെ 23 ഓളം വാര്‍ഡുകളിലായി അഞ്ഞൂറോളം കുടുംബശ്രീകള്‍ ചേര്‍ന്നാണ് ചന്ത ഒരുക്കിയിരിക്കുന്നത്. വിവിധ സ്റ്റാളുകളിലായി പച്ചക്കറികള്‍, വീട്ടുപകരണങ്ങള്‍, പലചരക്ക്, തുടങ്ങിയ അവശ്യവസ്തുക്കളാണ് വില്‍പ്പനയ്ക്ക് വച്ചിരിക്കുന്നത്.
ഓണച്ചന്തയുടെ ഉദ്ഘാടനം ബ്ലോക്ക് പഞ്ചായത്ത് പ്രസിഡന്റ് വിജി മുപ്രമ്മല്‍ നിര്‍വ്വഹിച്ചു. ഗ്രാമപഞ്ചായത്ത് പ്രസിഡന്റ് ഷൈജ വളപ്പില്‍ അദ്ധ്യക്ഷത വഹിച്ചു. ടി.കെ ഹിതേഷ് കുമാര്‍, ടി.കെ സൗദ, ജില്ല പഞ്ചായത്ത് മെമ്പര്‍ രജനി തടത്തില്‍, വാര്‍ഡ് മെമ്പര്‍ എം.വി ബൈജു, ബാബു നെല്ലൂളി, ഒ.ഹുസ്സൈന്‍, എം.കെ മോഹന്‍ദാസ്, കെ സുന്ദരന്‍, ബഷീര്‍ നീലാറമ്മല്‍, രാജന്‍ പാറപ്പുറത്ത്,വിനോദ് പടനിലം,ഷമീന വെള്ളക്കാട്ട് മറ്റ് രാഷ്ട്രീയ പാര്‍ട്ടി പ്രതിനിധികളും പങ്കെടുത്തു.
