കൊച്ചി: മഞ്ഞുമേല് ബോയ്സ് സാമ്പത്തിക തട്ടിപ്പ് കേസില് നടന് സൗബിന് ഷാഹിറിന് നോട്ടീസ്. 14 ദിവസത്തിനകം അന്വേഷണസംഘത്തിന് മുന്നില് ഹാജരാകാന് ആവശ്യപ്പെട്ടാണ് നോട്ടീസ്. മരട് പൊലീസാണ് നോട്ടീസ് നല്കിയത്. സൗബിന് ഷാഹിറിന് പുറമേ സഹനിര്മ്മാതാക്കളായ ബാബു ഷാഹിറിനും, ഷോണ് ആന്റണിക്കും നോട്ടീസ് നല്കിയിട്ടുണ്ട്.
നേരത്തെ കേസില് അന്വേഷണം തുടരാമെന്ന് ഹൈക്കോടതി ഉത്തരവിട്ടിരുന്നു. നിര്മാതാക്കളുടെ ആവശ്യം തള്ളിക്കൊണ്ടായിരുന്നു ഉത്തരവ്. സിനിമയുടെ ലാഭവിഹിതം നല്കിയില്ലെന്ന അരൂര് സ്വദേശി സിറാജ് വലിയതറയുടെ പരാതിയിലാണ് സൗബിന് ഷാഹിര്, ബാബു ഷാഹിര്, ഷോണ് ആന്റണി എന്നിവര്ക്കെതിരെ കേസെടുത്ത് അന്വേഷണം ആരംഭിച്ചത്. സിനിമയ്ക്കായി താന് മുടക്കിയ പണവും ലാഭവിഹിതവും തിരിച്ചുനല്കിയില്ല എന്നാണ് സിറാജ് വലിയതറയുടെ പരാതി.
