അടുത്തവര്ഷം സംസ്ഥാന സ്കൂള് കലോത്സവത്തില് മാംസാഹാരം നല്കുമെന്ന് വിദ്യാഭ്യാസ മന്ത്രി വി ശിവന്കുട്ടി. കഴിഞ്ഞ ദിവസങ്ങളിൽ സ്കൂള് കലോത്സവത്തിന് നോണ് വെജില്ലാത്തതും പഴയിടം നമ്പൂതിരി പതിവു പാചകക്കാരനാകുന്നതും ചൂണ്ടിക്കാട്ടിയുള്ള സോഷ്യൽ മീഡിയ വിമർശനങ്ങൾക്ക് മറുപടി പറയുകയായിരുന്നു അദ്ദേഹം.കലോത്സവം അവസാനിക്കാന് ഇനി ആകെയുള്ളത് രണ്ട് ദിവസം മാത്രമാണ്. മാംസാഹാരം നല്കുന്ന കാര്യം സര്ക്കാര് പരിശോധിക്കും. അടുത്ത വര്ഷം മുതല് ഉറപ്പായും നോണ്വെജ് ഭക്ഷണം ഉണ്ടാകുമെന്ന് വി ശിവന്കുട്ടി പറഞ്ഞു.
‘ബിരിയാണി കൊടുക്കാന് ആഗ്രഹമുണ്ട്. കോഴിക്കോട് എത്തിയ കുട്ടികള്ക്ക് ബിരിയാണി കൊടുക്കണം എന്നായിരുന്നു എന്റെ ആഗ്രഹം. ഞാന് അത് ഉദ്യോഗസ്ഥരുമായി സംസാരിച്ചിരുന്നു.’ – ശിവന് കുട്ടി പറഞ്ഞു.
60 വര്ഷം ഇല്ലാത്ത ബ്രാഹ്മണ മേധാവിത്വം ഇപ്പോ ആണോ കാണുന്നതെന്ന് പഴയിടം മോഹനന് നമ്പൂതിരിയുമായി ബന്ധപ്പെട്ട് ഉയര്ന്നുവന്ന വിവാദത്തോട് പ്രതികരിച്ച് മന്ത്രി ചോദിച്ചു.ഒരു വിവാദവും ഇല്ലാത്തപ്പോ എന്തെങ്കിലും ഉണ്ടാക്കാന് ചിലര് ശ്രമിക്കുകയാണ്. പറയുന്നതെല്ലാം ശുദ്ധ അബദ്ധമാണെന്നും അദ്ദേഹം കൂട്ടിച്ചേര്ത്തു.