സംസ്ഥാനത്ത് ആറ് പേര്ക്ക് കൂടി അതിതീവ്ര കൊവിഡ് സ്ഥിരീകരിച്ചതായി ആരോഗ്യമന്ത്രി കെ. കെ. ശൈലജ. ബ്രിട്ടണില് നിന്ന് വന്നവരില് നിന്ന് 31 സാമ്പിളുകള് പൂനെയിലെ സെറം ഇന്സ്റ്റിറ്റ്യൂട്ടിലേക്ക് പരിശോധനയ്ക്ക് അയച്ചതില് ആറെണ്ണം പോസിറ്റീവാണെന്ന് മന്ത്രി പറഞ്ഞു. തിരുവനന്തപുരത്ത് മാധ്യമങ്ങളോട് സംസാരിക്കുകയായിരുന്നു മന്ത്രി.
കഴിഞ്ഞ ദിവസത്തെപോലെ തന്നെ ഇന്നും ആലപ്പുഴ കോഴിക്കോട് എന്നിവിടങ്ങളില് രണ്ട് വീതവും കോട്ടയം കണ്ണൂര് എന്നിവിടങ്ങളില് ഒന്ന് വീതവും എന്നിങ്ങനെയാണ് രോഗം സ്ഥിരീകരിച്ചതെന്നും മന്ത്രി പറഞ്ഞു.
ഇവരില് രണ്ട് പേര് കോഴിക്കോട് മെഡിക്കല് കോളേജിലും മറ്റുള്ളവര് ഐസൊലേഷനിലുമാണ്. ഇവര്ക്ക് മറ്റു ബുദ്ധിമുട്ടുകളില്ലെന്നും ആരോഗ്യമന്ത്രി പറഞ്ഞു. പെട്ടെന്ന് പകരുന്ന സാഹചര്യമുള്ളതിനാല് ജാഗ്രത പാലിക്കണമെന്നും ആരോഗ്യമന്ത്രി ആവര്ത്തിച്ചു.
രാജ്യത്ത് തന്നെ ആദ്യമായി ജനിതക വ്യതിയാനത്തെ സംബന്ധിച്ച പഠനങ്ങള് നടത്തിയത് കേരളത്തിലാണ്. കോഴിക്കോട് മെഡിക്കല് കോളെജില് ഡോക്ടര് ചാന്ദ്നിയുടെ നേതൃത്വത്തിലാണ് പഠനം നടത്തിയത്. ആ ഘട്ടത്തില് നേരിയ വ്യത്യാസമുള്ള സ്ട്രെയിനെ കണ്ടെത്തിയിരുന്നുവെന്നും മന്ത്രി പറഞ്ഞു.
പ്രാദേശികമായി വ്യതിയാനം സംഭവിക്കുന്ന അത്തരം വൈറസുകളെ കണ്ടെത്തുന്നതിനായി കേരളത്തിലാകമാനം പഠനം നടത്തി വരുന്നുണ്ടെന്നും ആരോഗ്യമന്ത്രി പറഞ്ഞു.
