വർക്കല : വർക്കല ഇടവ മാന്തറ ഭാഗത്ത് കടലിൽ നിന്നും കൂറ്റൻ തിമിംഗലത്തിന്റെ മൃതദേഹം അടിഞ്ഞു കയറി. 7 മീറ്ററോളം നീളമുള്ള തിമിംഗലമാണ് കരയ്ക്കടിഞ്ഞത്. കപ്പലുകളിലെ ഫാൻ ബെൽറ്റിൽ തട്ടി അപകടം ഉണ്ടായതാവാം എന്നാണ് നാട്ടുകാർ പറയുന്നത്. തിങ്കളാഴ്ച രാത്രിയാണ് തിമിംഗലം കരയ്ക്ക് അടിഞ്ഞത്. പാലോട് ഫോറസ്റ്റ് ഉദ്യോഗസ്ഥർ സ്ഥലത്തെത്തി തുടർ നടപടികൾ തുടങ്ങി.
തീരം കുറവായ സ്ഥലം ആയതിനാൽ സംസ്കരിക്കുന്നതിനുള്ള സൗകര്യങ്ങൾ മാന്തറ ഭാഗത്തില്ല. തിമിംഗലത്തെ കെട്ടി വലിച്ചു തീരം ഉള്ള സ്ഥലത്തെത്തിച്ചു പരിശോധന നടത്തിയ ശേഷമാകും തുടർനടപടികൾ പൂർത്തിയാക്കുക.
