തൃക്കാക്കര ഉപതെരഞ്ഞെടുപ്പില് ശക്തമായ സഹതാപ തരംഗമെന്ന് കെ സുരേന്ദ്രന്. സഹതാപതരംഗം യുഡിഎഫ് സ്ഥാനാര്ത്ഥി ഉമ തോമസിന് അനുകൂലമായി ഉണ്ടായിരുന്നു. പി ടി തോമസിനെ ഇപ്പോഴും തൃക്കാക്കരയിലെ ജനങ്ങള് സ്നേഹിക്കുന്നു എന്നതിന് തെളിവാണ് ആ സഹതാപ തരംഗത്തിന്റെ കാരണം. സംസ്ഥാന സര്ക്കാരിനേറ്റ കനത്ത തിരിച്ചടിയാണ് തൃക്കാക്കരയിലെ ഫലമെന്നും സുരേന്ദ്രന് പറഞ്ഞു. ബിജെപിയുടെ ദുർബലമായ മണ്ഡലമാണ് തൃക്കാക്കര. ശക്തമായ പ്രവർത്തനങ്ങളിലൂടെ തങ്ങളുടെ വോട്ടിന്റെ തൽസ്ഥിതി നിലനിർത്താൻ സാധിച്ചുവെന്ന് സുരേന്ദ്രൻ പറഞ്ഞു.പോപ്പുലര് ഫ്രണ്ട് അടക്കമുള്ള മതഭീകരവാദ ശക്തികളെ പരസ്യമായി സഹായിച്ചതിന്റെ ഫലമായി മറ്റ് ജനവിഭാഗങ്ങള്ക്കിടയില് ശക്തമായ പ്രതിഷേധമുണ്ടായി. ആലപ്പുഴയിലെ സംഭവവികാസങ്ങളും സര്ക്കാരിന് തിരിച്ചടിയായി. എല്ഡിഎഫിനെ തോല്പ്പിക്കുക എന്ന ജനങ്ങളുടെ ശക്തമായ ആവശ്യം യുഡിഎഫിന് വലിയ നേട്ടമായി. കെ സുരേന്ദ്രന് പറഞ്ഞു.
തൃക്കാക്കര ഉപതെരഞ്ഞെടുപ്പില് 25,015 വോട്ടുകളുടെ റെക്കോര്ഡ് ഭൂരിപക്ഷത്തിലാണ് ഉമ തോമസിന് ജയം. 2021 പി.ടി.തോമസ് മത്സരിക്കുമ്പോള് 14,329 വോട്ടുകളായിരുന്നു ഭൂരിപക്ഷം നേടിയിരുന്നത്. 2011 ബെന്നി ബെഹ്നാന് മത്സരിക്കുമ്പോള് 22,406 ആയിരുന്നു ഭൂരിപക്ഷം. ആ റെക്കോര്ഡുകളാണ് ഉമ തോമസ് തകര്ത്തിരിക്കുന്നത്.
