തൃക്കാക്കര ഉപതെരഞ്ഞെടുപ്പ് പ്രചരണങ്ങളില് നേതാക്കള് സജീവമായി പ്രവര്ത്തിക്കണമെന്നാവശ്യപ്പെട്ട് മുഖ്യമന്ത്രി പിണറായി വിജയന്.
യുഡിഎഫിന്റെ സിറ്റിങ് സീറ്റായ തൃക്കാക്കര തിരിച്ചു പിടിക്കണമെന്നും എന്നാല് യുഡിഎഫിന്റെ സിറ്റിങ് മണ്ഡലമായല്ല എല്ഡിഎഫ് ജയിക്കേണ്ട മണ്ഡലമെന്ന രീതിയിലാവണം പ്രചാരണമെന്നുമാണ് മുഖ്യമന്ത്രി നല്കുന്ന നിര്ദേശം.
കൂടാതെ, ഉപതെരഞ്ഞെടുപ്പ് പ്രഖ്യാപിച്ചതിനെ തുടര്ന്ന് അമേരിക്കയിലുള്ള മുഖ്യമന്ത്രി പിണറായി വിജയന് മുതിര്ന്ന നേതാക്കളുമായി ചര്ച്ച നടത്തി. പ്രചരണത്തില് പങ്കെടുക്കാനായി താന് തൃക്കാക്കരയിലെത്തുമെന്നും മുഖ്യമന്ത്രി അറിയിച്ചു. രണ്ടു ദിവസത്തിനകം എല്ഡിഎഫിന്റെ സ്ഥാനാര്ഥി പ്രഖ്യാപനം ഉണ്ടാവും.
തൃക്കാക്കര ഉപതെരഞ്ഞെടുപ്പില് എല്ഡിഎഫ് പ്രവര്ത്തനങ്ങളുടെ പൂര്ണ ചുമതല സിപിഐമ്മിന്റെ കേന്ദ്രകമ്മിറ്റി അംഗവും എല്ഡിഎഫ് കണ്വീനറുമായ ഇപി ജയരാജനാണ്. സിപിഐഎം സംസ്ഥാന സെക്രട്ടറിയേറ്റ് അംഗങ്ങളായ എം സ്വരാജും പി രാജീവും മണ്ഡലത്തില് നിന്ന് പ്രവര്ത്തനങ്ങള് ഏകോപിപ്പിക്കും.
