എറണാകുളം: പെരുമ്പാവൂര് താന്നിപ്പുഴയില് ടിപ്പര് ലോറി ഇടിച്ച് ബൈക്ക് യാത്രക്കാരായ അച്ഛനും മകളും മരിച്ചു. കറുകടം സ്വദേശി എല്ദോസ്, മകള് ബ്ലെസി എന്നിവരാണ് മരിച്ചത്.
രാവിലെ എട്ടുമണിയോടെയായിരുന്നു അപകടം. ഇവര് സഞ്ചരിച്ചിരുന്ന ബൈക്കിന് പിന്നില് ടിപ്പര് ലോറി ഇടിക്കുകയായിരുന്നു. ബൈക്കിന് മുകളിലേക്ക് ലോറി കയറിപ്പോയി. തെറിച്ചുവീണ ഇരുവരുടേയും ശരീരത്തിലൂടെ ടിപ്പര് ലോറി കയറിയിറങ്ങുകയും ചെയ്തു.
