കൊല്ലം: ഉത്ര വധക്കേസ് പ്രതി സൂരജിന്റെ അമ്മയെയും സഹോദരിയെയും ക്രൈംബ്രാഞ്ച് ഓഫീസില് ഹാജരാകാന് നിർദേശിച്ചതായി റിപ്പോർട്ടുകൾ. അറസ്റ്റ് ചെയ്തേക്കുമെന്നും സൂചന.
കഴിഞ്ഞ തിങ്കളാഴച സൂരജിന്റെ അച്ഛനെ പോലീസ് അറസ്റ്റ് ചെയ്തിരുന്നു . ഇതിനു പിന്നാലെ ചോദ്യം ചെയ്യലിൽ സ്വര്ണം കുഴിച്ചിട്ടതില് സൂരജിന്റെ അമ്മയ്ക്കും പങ്കുണ്ടെന്ന് പിതാവ് മൊഴി നൽകിയതായാണ് വിവരം. രണ്ട് പൊതികളിലായി കുഴിച്ചിട്ടിരുന്ന സ്വർണം സൂരജിന്റെ അച്ഛന് തന്നെയാണ് കഴിഞ്ഞ ദിവസം പോലീസിന് കാണിച്ചു നൽകിയത്
നേരത്തെ ഇവര്ക്കെതിരെ ഗാര്ഹിക പീഡനത്തിന് കേസെടുത്തിരുന്നു. ഇതിന്റെ പശ്ചാത്തലത്തില് അറസ്റ്റ് ഉണ്ടായേക്കുമെന്നാണ് സൂചന. സൂരജിന്റെ കുടുംബത്തിന് കൊലപാതകത്തിൽ പങ്കുണ്ടെന്നു നേരത്തെ ഉത്രയുടെ പിതാവ് ആരോപിച്ചിരുന്നു.
