ഒമിക്രോണ് വ്യാപന ഭീഷണി കണക്കിലെടുത്ത് പുതുവത്സര ആഘോഷങ്ങളുടെ പശ്ചാത്തലത്തില് രാത്രി 10 മുതല് രാവിലെ അഞ്ചുവരെ സംസ്ഥാനത്ത് ഏര്പ്പെടുത്തിയ രാത്രികാല യാത്രാ നിയന്ത്രണം ഇന്നവസാനിക്കും. നിയന്ത്രണങ്ങള് കൂട്ടില്ലെന്നാണ് നിലവിലെ സൂചന.
അടുത്ത കൊവിഡ് അവലോകന യോഗത്തിൽ നിയന്ത്രണങ്ങള് കൂട്ടുന്ന കാര്യത്തില് തീരുമാനമെടുക്കും.
അതിനിടെ സംസ്ഥാനത്ത് 15 മുതല് 18 വയസ് വരെ പ്രായമുള്ളവരുടെ കൊവിഡ് വാക്സിനേഷന് നാളെ ആരംഭിക്കും. കുട്ടികളുടെ വാക്സിനേഷനുള്ള രജിസ്ട്രേഷന് ആരംഭിച്ചിട്ടുണ്ട്. വാക്സിനേഷന് കേന്ദ്രത്തില് നേരിട്ടെത്തി രജിസ്റ്റര് ചെയ്യുന്നതിനും തടസമില്ല. ജനുവരി 10 വരെ ബുധനാഴ്ച ഒഴികെ ഞായറാഴ്ച ഉള്പ്പെടെ എല്ലാ ദിവസവും ജനറല്, ജില്ലാ, താലൂക്ക് ആശുപത്രികളിലും സിഎച്ചിസികളിലും കുട്ടികള്ക്കുള്ള വാക്സിനേഷനുണ്ടായിരിക്കും.
