ആലപ്പുഴ: കുട്ടനാട് തലവടിയില് ഇരട്ടക്കുട്ടികളെ കൊലപ്പെടുത്തി അമ്മയും അച്ഛനും ജീവനൊടുക്കി. തലവടി മൂലേപ്പറമ്പില് വീട്ടില് സുനു, സൗമ്യ ദമ്പതികളാണ് മക്കളെ കൊലപ്പെടുത്തിയ ശേഷം മരിച്ചത്. കൊലപാതകത്തിനും ആത്മഹത്യയ്ക്കും കാരണം കടബാധ്യത എന്നാണ് സംശയം.
മൂന്നു വയസുള്ള ഇരട്ട കുട്ടികളായ ആദി, ആതില് എന്നിവരെ ശ്വാസം മുട്ടിച്ച് കൊന്ന ശേഷമാണ് സുനുവും സൗമ്യയും ഒരേ കയറില് തൂങ്ങി മരിച്ചത്. രാവിലെ വാതില് തുറക്കാത്തതിനെ തുടര്ന്ന് തൊട്ടടുത്തുള്ള കുടുംബ വീട്ടില് താമസിക്കുന്ന അമ്മ അന്വേഷിച്ച് എത്തിയപ്പോഴാണ് വീടിനുള്ളില് ഇവരെ മരിച്ച നിലയില് കണ്ടെത്തിയത്. സൗമ്യയ്ക്ക് കാന്സര് ബാധിച്ചതും സാമ്പത്തിക ബാധ്യതകളുമാണ് ആത്മഹത്യയ്ക്ക് കാരണമെന്നാണ് ബന്ധുക്കള് പറയുന്നത്.
