ചിന്നക്കനാല്: ഇടുക്കി ചിന്നക്കനാലില് അവശനിലയില് കണ്ട കാട്ടാന മുറിവാലന് ചെരിഞ്ഞു. ചക്കക്കൊമ്പനുമായുള്ള ഏറ്റുമുട്ടലിലാണ് മുറിവാലന് പരിക്കേറ്റത്. വനത്തില് തളര്ന്നു വീണ മുറിവാലനെ വനം വകുപ്പ് നിരീക്ഷിച്ച് വരികയായിരുന്നു. ഡോക്ടര്മാരുടെ നേതൃത്വത്തില് വിദഗ്ധ ചികിത്സയും നല്കിയിരുന്നു. കഴിഞ്ഞ ആഴ്ചയാണ് ചക്കക്കൊമ്പനുമായുള്ള കടുത്ത ഏറ്റുമുട്ടലില് മുറിവാലന് ഗുരുതരമായി പരിക്കേറ്റത്. അണുബാധയുണ്ടായി, ഇടതുകാലിന് ചലനശേഷിയും നഷ്ടമായിരുന്നു. വെള്ളം പോലും കുടിക്കാനാവാത്ത സ്ഥിതിയിലായിരുന്നു ആന. പരിക്കിനു പിന്നാലെ വീണുപോയ ആനയെ വനപാലകര് കയറുകെട്ടിവലിച്ചാണ് താല്ക്കാലിക ചികിത്സാകേന്ദ്രത്തിലെത്തിച്ചത്.
ചക്കക്കൊമ്പനുമായി ഏറ്റുമുട്ടി; മുറിവാലന് ചെരിഞ്ഞു
