കുന്ദമംഗലം: നിയോജകണ്ഡലത്തില് അംബേദ്കര് ഗ്രാമം പദ്ധതിയില് ഉള്പ്പെടുത്തി ഭരണാനുമതി ലഭിച്ച പട്ടികജാതി കോളനികളുടെ പ്രവൃത്തികള് സമയബന്ധിതമായി
പൂര്ത്തീകരിക്കാന് പി.ടി.എ റഹീം എം.എല്.എ വിളിച്ചുചേര്ത്ത ജനപ്രതിനിധികളുടേയും ഉദ്യേഗസ്ഥരുടേയും യോഗത്തിൽ തീരുമാനമെടുത്തു.
പെരുവയല് ഗ്രാമപഞ്ചായത്തിലെ ഭൂദാനം കോളനിയുടെ പ്രവൃത്തി
ആരംഭിക്കുന്നതിനും ഇതര കോളനികളുടെ പ്രവൃത്തികളില് അംഗീകാരം ലഭിച്ചവ
പൂര്ത്തീകരിക്കുന്നതിനും നടപടികൾ സ്വീകരിച്ചു.
പി.ടി.എ റഹീം എം.എല്.എ അദ്ധ്യക്ഷത വഹിച്ചു. ബ്ലോക്ക് പഞ്ചായത്ത് പ്രസിഡന്റ് സുനിത പൂതക്കുഴിയില്, വൈസ് പ്രസിഡന്റ് പി. ശിവദാസന്നായര്, ചാത്തമംഗലം ഗ്രാമപഞ്ചായത്ത് മെമ്പര് കെ.എം. സാമി, കുന്ദമംഗലം ഗ്രാമപഞ്ചായത്ത് മെമ്പര് എ.കെ ഷൗക്കത്ത്, പെരുവയല് ഗ്രാമപഞ്ചായത്ത് മെമ്പര് പി. സുകുമാരന്, ജില്ലാ നിര്മ്മിതി കേന്ദ്ര മാനേജര് കെ. മനോജ്, വിവിധ ഉദ്യോഗസ്ഥര് സംബന്ധിച്ചു. കുന്ദമംഗലം ബ്ലോക്ക് പട്ടികജാതി ഓഫീസര് കെ. മുകേഷ് സ്വാഗതം പറഞ്ഞു.
