ആരാമ്പ്രം : വർണ്ണ ബലൂണുകളും പൂക്കളും മിഠായിയും ഏറ്റുവാങ്ങി ജൂണിലെ ആദ്യ അധ്യയന ദിനം ആഘോഷമാക്കുന്ന പതിവിൽ നിന്ന് മാറി ഇന്ന് ആരാമ്പ്രം ഗവ: സ്കൂൾ വിദ്യാർത്ഥികളും രക്ഷിതാക്കളും അധ്യാപകരും വീടുകളിരുന്ന് വെർച്വൽ പ്രവേശനോൽസവം കൊണ്ടാടി.വിദ്യാലയത്തിലേക്ക് ആദ്യമായി പ്രവേശനം നേടിയ കുരുന്നുകൾ ഉൾപ്പെടെ അഞ്ഞൂറിലധികം വിദ്യാർത്ഥികൾ പ്രവേശനോൽസവ സന്ദേശങ്ങളും വിദ്യാർത്ഥികളുടെ വിവിധ പരിപാടികളും വീടുകളിലിരുന്ന് ഓൺലൈനിൽ ശ്രവിച്ചു.
ഹെഡ്മാസ്റ്റർ വി.കെ.മോഹൻദാസ്, വാർഡ് മെമ്പർ സക്കീന മുഹമ്മദ്,പി.ടി.എ പ്രസിഡണ്ട് എം.കെ.ഷമീർ, വൈസ് പ്രസിഡണ്ട് എ.കെ.ജാഫർ, സീനിയർ അസിസ്റ്റൻറ് പി.കെ.സജീവൻ, സ്റ്റാഫ് സെക്രട്ടറി കെ.അബ്ദുൽ ഷുക്കൂർ, എസ്.ആർ.ജി കൺവീനർ കെ.ജി.ഷീജ തുടങ്ങിയവർ വിദ്യാർത്ഥികളുമായി സംവദിച്ചു.
കൈറ്റ് നൽകുന്ന ഓൺലൈൻ ക്ലാസുകൾ വിദ്യാർത്ഥികൾ കേൾക്കുകയുംതുടർ പ്രവർത്തനങ്ങൾ ചെയ്ത് ക്ലാസ് ഗ്രൂപുകളിൽ അധ്യാപകർക്ക് അയക്കുകയും സംശയ നിവാരണം നടത്തുകയും ചെയ്തു. പരിപാടികൾ ആസൂത്രണം ചെയ്യാൻ അധ്യാപകരുടെ ഗൂഗിൾ മീറ്റ് കോൺഫ്രൻസ് ഇന്നലെ സംഘടിപ്പിച്ചിരുന്നു.
