ന്യൂദല്‍ഹി: കോവിഡ് ദുരിതത്തിൽ പൊറുതി മുട്ടുന്ന ഇന്ത്യൻ ജനതയ്ക്ക് മേൽ പ്രഹരമേൽപ്പിച്ച് ഗാർഹിക പാചക വാതക വില ഉയർത്തി. തുടർച്ചയായ മൂന്ന് മാസത്തെ വെട്ടിച്ചുരുക്കലിന് ശേഷമാണ് വില വർദ്ധനവ് .ഗാര്‍ഹിക സിലിണ്ടറിന് മൊത്ത വിപണിയില്‍ 11.50 രൂപയുടെ വര്‍ധനവാണ് ഉണ്ടായിരിക്കുന്നത്. 597 രൂപയാണ് പുതിയ വില. വാണിജ്യ സിലിണ്ടറിന് 109 രൂപയുമാണ് വര്‍ധിച്ചിരിക്കുന്നത്. 1,125 രൂപയാണ് പുതിയ വില.
ആഭ്യന്തര വിപണിയില്‍ വില വര്‍ധിക്കുന്നതുകൊണ്ടാണ് പുതിയ മാറ്റങ്ങളെന്നാണ് ഇന്ത്യന്‍ ഓയില്‍ അധികൃതർ അറിയിച്ചിരിക്കുന്നത്. ദല്‍ഹിയില്‍ 593, കൊല്‍ക്കത്തിയില്‍ 616, മുംബൈയില്‍ 590.50, ചെന്നൈയില്‍ 606.50 എന്നിങ്ങനെയാണ് പുതിയ വില.
