പരീക്ഷ ഉത്സവമാക്കി മാറ്റണമെന്ന് പ്രധാനമന്ത്രി നരേന്ദ്ര മോദി.വിദ്യാര്‍ഥികളുമായി പരീക്ഷ പേ ചര്‍ച്ചയില്‍ ആശയവിനിമയം നടത്തുകയായിരുന്നു മോദി. , നിങ്ങൾ ചെയ്യുന്നതെന്തും ആത്മവിശ്വാസത്തോടെ ചെയ്യുകയാണ് വേണ്ടതെന്ന് വിദ്യാർത്ഥികളോട് പ്രധാനമന്ത്രി പറഞ്ഞു. പരീക്ഷയിൽ ആശങ്ക വിദ്യാർത്ഥികൾക്കല്ല മാതാപിതാക്കൾക്കാണ് എന്നും അദ്ദേഹം പറഞ്ഞു. സിലബസില്‍ എന്തെങ്കിലും കവര്‍ ചെയ്യുന്നത് നിങ്ങള്‍ക്ക് നഷ്ടമായിരിക്കാം, പക്ഷേ നിങ്ങള്‍ കവര്‍ ചെയ്തതില്‍ വിശ്വാസം നിലനിര്‍ത്തുക. ഇത് സമ്മര്‍ദ്ദത്തെ മറികടക്കാന്‍ സഹായിക്കും.പരിഭ്രാന്തി വളരാന്‍ അനുവദിക്കരുത്, അമിതമായി ചിന്തിക്കരുത്. അത് നിങ്ങളെ കൂടുതല്‍ പരിഭ്രാന്തരാക്കുകയേയുള്ളൂ, നമുക്ക് ഓണ്‍ലൈനില്‍ അറിവ് തേടാനും ഓഫ്ലൈനിലേക്ക് മാറാനും അതില്‍ മുഴുകാനും അതില്‍ പ്രതിഫലിപ്പിക്കാനും കഴിയും.നിങ്ങളുടെ ഉള്ളിലേക്ക് തന്നെ നോക്കാന്‍ സമയം കണ്ടെത്തുക മോദി പറഞ്ഞു.കുട്ടികളുടെമേല്‍ സമ്മര്‍ദ്ദം ചെലുത്തരുതെന്ന് മാതാപിതാക്കളോട് ആവശ്യപ്പെട്ടു. പൂര്‍ത്തീകരിക്കാന്‍ കഴിയാത്ത സ്വപ്‌നങ്ങള്‍ കുട്ടികളെ ഉപയോഗിച്ച് സാക്ഷാത്കരിക്കാന്‍ വേണ്ടി മാതാപിതാക്കള്‍ സമ്മര്‍ദ്ദം ചെലുത്തരുത്. ഇത് കുട്ടികള്‍ക്ക് പിരിമുറുക്കം വര്‍ധിക്കാന്‍ ഇടയാക്കുമെന്നും മോദി പറഞ്ഞു.
മാതാപിതാക്കള്‍ കുട്ടികളുടെ മേല്‍ സമ്മര്‍ദ്ദം ചെലുത്തരുത്;പരീക്ഷ ഉത്സവമാക്കി മാറ്റണമെന്ന് വിദ്യാർത്ഥികളോട് പ്രധാനമന്ത്രി
