കോഴിക്കോട്: താമരശ്ശേരിയില് വിദ്യാര്ഥി സംഘര്ഷത്തെ തുടര്ന്ന് പത്താം ക്ലാസുകാരന് മരിച്ച സംഭവത്തില് ബാലാവകാശ കമ്മീഷന് കേസെടുത്തു. കുറ്റക്കാര്ക്കെതിരെ ശക്തമായ നടപടികള് ഉണ്ടാകുന്നതിനു വേണ്ട നടപടികള് സ്വീകരിക്കുമെന്ന് കമ്മീഷന് ചെയര്മാന് കെ.വി മനോജ് കുമാര് പറഞ്ഞു. കുട്ടികളുടെ അക്രമവാസിനെ കുറിച്ച് സംസ്ഥാന തലത്തില് പഠനം നടത്തും . പഠനത്തിനു വേണ്ട നടപടികള് ആരംഭിച്ചു. അതിനിടയാണ് ദാരുണമായ സംഭവമെന്നും അദ്ദേഹം പറഞ്ഞു.
രാത്രി 12.30ഓടെയാണ് സംഘര്ഷത്തില് പരിക്കേറ്റ ചികിത്സയിലായിരുന്ന പത്താംക്ലാസുകാരന് മരിച്ചത്. താമരശ്ശേരി ചുങ്കം പാറോലക്കുന്ന് സ്വദേശി ഇക്ബാലിന്റെ മകന് മുഹമ്മദ് ഷഹബാസ് ആണ് മരിച്ചത്. സ്വകാര്യ ട്യൂഷന് സെന്ററിലെ ഫെയര്വെല്ലിനോടനുബന്ധിച്ച് നടന്ന പരിപാടിയെ തുടര്ന്നുണ്ടായ തര്ക്കമാണ് സംഘര്ഷത്തില് കലാശിച്ചത്.
