ജില്ല മിനി വോളിബോൾ ചാമ്പ്യൻഷിപ്പ്:പാറ്റേൺ കാരന്തൂരിന് ഇരട്ട കിരീടം
കോഴിക്കോട് ജില്ല മിനി വോളിബോൾ ചാമ്പ്യൻഷിപ്പിൽ കാരന്തൂർ പാറ്റേൺ ക്ളബ്ബ് ഇരട്ടക്കിരീടം നേടി. വോളി ഫ്രൻ്റ്സ് പയമ്പ്ര ഗ്രൗണ്ടിൽ നടന്ന ചാമ്പ്യൻഷിപ്പിൽ ആൺകുട്ടികളുടെയും പെൺകുട്ടികളുടെയും വിഭാഗത്തിൽ ജേതാക്കളായാണ് പാറ്റേൺ ഇരട്ടക്കിരീടം കരസ്ഥമാക്കിയത്.ഇരുവിഭാഗം ഫൈനലിലും വോളി ഫ്രൻ്റ്സ് പയമ്പ്ര ടീമിനെ പരാജയപ്പെടുത്തിയാണ് പാറ്റേൺ ചാമ്പ്യന്മാരായത്. സമാപന ചടങ്ങിൽ മുൻ സർവ്വീസസ് താരം സുരേന്ദ്രൻ ട്രോഫികൾ വിതരണം ചെയ്തു.ജില്ല വോളിബോൾ അസോസിയേഷൻ സെക്രട്ടറി കെ.കെ.മുസ്തഫ സംസാരിച്ചു. ട്രഷറർ പ്രദീപൻ നന്ദി പറഞ്ഞു.