ഇന്ത്യന്‍ ക്രിക്കറ്റ് ടീം മുന്‍ നായകന്‍ വിരാട് കോഹ്ലിക്കെതിരായ പരാമര്‍ശത്തിനെതിരേ മാധ്യമങ്ങളെ അതിരൂക്ഷമായി വിമര്‍ശിച്ച് നിലവിലെ നായകന്‍ രോഹിത് ശര്‍മ. ബാറ്റിങ്ങില്‍ നിരന്തരമായി പരാജയപ്പെടുന്ന കോഹ്ലി മാനസിക സമ്മര്‍ദ്ദം നേരിടുന്നുണ്ടോയെന്ന മാധ്യമപ്രവർത്തകരുടെ ചോദ്യത്തിനാണ് രോഹിത് ചിരിച്ചുകൊണ്ട് കലഹിച്ചത്. നാളെ ആരംഭിക്കാനിരിക്കുന്ന വെസ്റ്റിന്‍ഡീസിനെതിരായ ട്വന്റി 20 ക്രിക്കറ്റ് പരമ്പരക്ക് മുന്നോടിയായി മാധ്യമങ്ങളെ കാണുന്നതിനിടെയായിരുന്നു രോഹിതന്റെ രോഷപ്രകടനം. ഇത്തരം കാര്യങ്ങള്‍ മാധ്യമങ്ങള്‍ പടച്ചുവിടുന്നതാണെന്നും അല്‍പസമയം നിങ്ങള്‍ സാങ്കല്‍പ്പിക വാര്‍ത്തകള്‍ ചമയ്ക്കുന്നത് നിര്‍ത്തവച്ചാല്‍ തീരാവുന്ന പ്രശ്‌നങ്ങള്‍ മാത്രമേ ഇപ്പോഴുള്ളൂവെന്നും രോഹിത് പറഞ്ഞു. […]