തലസ്ഥാനത്തെ പ്രധാന ടൂറിസ്റ്റ് കേന്ദ്രമായ ആക്കുളം ടൂറിസ്റ്റ് വില്ലേജിന് മോടി കൂട്ടാൻ വിമാനമാതൃകയിലുള്ള എയർഫോഴ്‌സ് മ്യൂസിയത്തിന്റെ നിർമാണോദ്ഘാടനം മന്ത്രി കടകംപള്ളി സുരേന്ദ്രൻ നിർവഹിച്ചു. ആക്കുളം ടൂറിസ്റ്റ് വില്ലേജിനെ അന്താരാഷ്ട്ര നിലവാരത്തിലേക്കുയർത്തുന്നതിന്റെ ഭാഗമായാണ് മ്യൂസിയം നിർമാണമെന്നും വിനോദസഞ്ചാര മേഖലയിലെ ആക്കുളത്തിന്റെ പ്രതാപം വീണ്ടെടുക്കാൻ ഈ പദ്ധതി ഉപകരിക്കുമെന്നും മന്ത്രി പറഞ്ഞു. ആക്കുളം കായൽ പുനരുജ്ജീവനം കൂടി സാധ്യമാകുന്നതോടെ തലസ്ഥാനത്തെ സുപ്രധാന വിനോദ സഞ്ചാര കേന്ദ്രമായി ആക്കുളം മാറുമെന്നും മന്ത്രി പറഞ്ഞു. രാജ്യത്തിന്റെ അഭിമാനമായ വ്യോമസേനയുടെ സേവനങ്ങളും യുദ്ധോപകരണങ്ങളും ജനങ്ങൾക്ക് […]