തുഷാർ വെള്ളാപ്പള്ളി കുട്ടനാടിൽ മത്സരിക്കണമെന്ന ആവശ്യവുമായി ബി ജെ പി സംസ്ഥാന നേതൃത്വം
തിരുവനന്തപുരം: തുഷാര്‍ വെള്ളാപ്പള്ളി കുട്ടനാട് ഉപതെരഞ്ഞെടുപ്പില്‍ മത്സരിക്കണമെന്ന ആവശ്യവുമായി ബി.ജെ.പി സംസ്ഥാന നേതൃത്വം. തുഷാറിലൂടെ സാമുദായിക വോട്ടുകള്‍ ഉറപ്പിക്കാന്‍ കഴിയുമെന്നാണ് ബി ജെ പി യുടെ പ്രതീക്ഷ. എന്നാല്‍ മത്സരത്തിന് താനില്ലെന്നാണ് തുഷാറിന്റെ നിലപാട്. ബി.ഡി.ജെ.എസ് സംസ്ഥാന സെക്രട്ടറിമാരായ ടി.പി മന്മദന്‍, സന്തോഷ് ശാന്തി, ജില്ലാ പ്രസിഡന്റ് ടി. അനിയപ്പന്‍ എന്നീ പേരുകളാണ് തുഷാർ പരിഗണനയില്‍ നൽകുന്നത്. തീരുമാനം അടുത്താഴ്ചയെന്നാണ് സംസ്ഥാന നേതാക്കള്‍ പറയുന്നത്.
