ജോഷിമഠില് കൂറ്റന് മണ്ണിടിച്ചില്; വിനോദ സഞ്ചാരികള് രക്ഷപ്പെട്ടത് തലനാരിഴയ്ക്ക്
ഡെറാഢൂണ്: ഉത്തരാഖണ്ഡിലെ ചമോലി ജില്ലയിലെ ജോഷിമഠില് കൂറ്റന് മണ്ണിടിച്ചില്. തലനാരിഴയ്ക്കാണ് വന് അപകടം ഒഴിവായത്. ഇതിന്റെ ദൃശ്യങ്ങളും പുറത്തുവന്നു. ഒരു കുന്ന് അപ്പാടെ ഇടിഞ്ഞ് താഴോട്ട് പതിക്കുന്നത് വീഡിയോയില് കാണാം. ഈ സമയത്ത് റോഡില് നിരവധി വിനോദ സഞ്ചാരികളെയും കാണാം. അവരില് ചിലര് ദൃശ്യങ്ങള് പകര്ത്തുന്നതും മറ്റുചിലര് പരിഭ്രാന്തരായി നിലവിളിച്ച് ഓടുന്നതും വീഡിയോയില് കാണാം. റോഡില് നിറയെ കല്ലുകളും മണ്ണും വീണ് കുന്ന് കൂടിയതിനെ തുടര്ന്ന് ഗതാഗതം താത്കാലികമായി നിര്ത്തിവച്ചു. അപകടത്തില് ആര്ക്കും പരിക്കില്ലെന്നാണ് റിപ്പോര്ട്ടുകള്.
