ഉദ്ധവ് താക്കറെയ്ക്കെതിരെ വിവാദ പരാമര്ശം; അറസ്റ്റിലായ കേന്ദ്രമന്ത്രി നാരായണ് റാണെയ്ക്ക് ജാമ്യം
മഹാരാഷ്ട്ര മുഖ്യമന്ത്രി ഉദ്ധവ് താക്കറെയ്ക്കെതിരെ വിവാദ പരാമര്ശം നടത്തിയതിന് അറസ്റ്റിലായ കേന്ദ്രമന്ത്രിയും രാജ്യസഭാംഗവുമായ നാരായണ് റാണെയ്ക്ക് ജാമ്യം. റായിഗഡിലെ മഹാഡ് മജിസ്ട്രേറ്റ് കോടതിയാണ് അറസ്റ്റിലായി ഏകദേശം എട്ട് മണിക്കൂറുകള്ക്കു ശേഷം ജാമ്യം അനുവദിച്ചത്. ചൊവ്വാഴ്ച ഉച്ചയോടെ ആയിരുന്നു അറസ്റ്റ്. റായ്ഗഡിലെ മഹാഡ് നഗരത്തില് തിങ്കളാഴ്ച വൈകുന്നേരം മാധ്യമപ്രവര്ത്തകരോട് സംസാരിക്കുമ്പോഴാണ് മഹാരാഷ്ട്ര മുഖ്യമന്ത്രി ഉദ്ധവ് താക്കറെയ്ക്കെതിരെ റാണെ വിവാദ പരാമര്ശവുമായി രംഗത്തെത്തിയത്. ഉദ്ധവിനെ തല്ലുമായിരുന്നു എന്നാണ് റാണെ പറഞ്ഞത്. ‘സ്വാതന്ത്ര്യ വര്ഷം മുഖ്യമന്ത്രിക്ക് അറിയാത്തത് ലജ്ജാകരമാണ്. തന്റെ പ്രസംഗത്തിനിടെ […]