മൂന്നാര്: മൂന്നാറിലെ ജനവാസ മേഖലകളില് കടുവകള് ഇറങ്ങി. മൂന്നാര് കന്നിമല ലോവര് ഡിവിഷനിലാണ് കടുവകള് ഇറങ്ങിയത്. ജനവാസ മേഖലയില് മൂന്ന് കടുവകള് ഇറങ്ങിയതിന്റെ ദൃശ്യങ്ങളും പുറത്തുവന്നു. കടുവകള് എസ്റ്റേറ്റിലൂടെ നടന്നു നീങ്ങുന്ന ദൃശ്യങ്ങളാണ് പുറത്ത് വന്നത്. പ്രദേശത്ത് സ്ഥിരമായി കടുവകള് എത്തുന്നതായി നാട്ടുകാര് പറഞ്ഞു.
കല്പ്പറ്റ: വയനാട് മൂന്നാനക്കുഴിയില് കടുവ കിണറ്റില് വീണു. മൂന്നാനക്കുഴി കാക്കനാട് ശ്രീനാഥിന്റെ വീട്ടിലെ കിണറ്റിലാണ് കടുവ വീണത്. ഇന്നു രാവിലെയാണ് കടുവയെ കിണറ്റില് വീണ നിലയില് കണ്ടത്. മോട്ടോര് പ്രവര്ത്തിക്കാതിരിക്കുന്നതിനെ തുടര്ന്ന് വീട്ടുടമ നോക്കിയപ്പോഴാണ് കിണറ്റില് കടുവയെ കണ്ടെത്തുന്നത്.
പുല്പള്ളി: മുള്ളന്കൊല്ലിയില് ഭീതി പരത്തിയ കടുവ കൂട്ടിലായി. വനമൂലികയില് സ്ഥാപിച്ച കൂട്ടിലാണ് കടുവ കുടുങ്ങിയത്. ഞായറാഴ്ച കൂട്ടില് കെട്ടിയ പശുകിടാവിനെ കൊന്നിരുന്നു. മുള്ളന്കൊല്ലി കാക്കനാട്ട് തോമസിന്റെ ഒരു വയസ്സ് പ്രായമുള്ള പശുകിടാവിനെയാണ് ഞായറാഴ്ച പുലര്ച്ചെ കൊന്നത്. കിടാവിന്റെ ജഢം പാതി ഭക്ഷിച്ച നിലയില് കൂടിനോട് 200 മീറ്റര് മാറി കണ്ടെത്തുകയായിരുന്നു. രാവിലെ ആറിന് പള്ളിയില് പോകുന്നവരും കടുവ റോഡ് മുറിച്ചുകടക്കുന്നത് കണ്ടിരുന്നു. രണ്ടുമാസമായി മുള്ളന്കൊല്ലി മേഖലയില് കടുവ സാന്നിധ്യമുണ്ട്. തുടര്ന്ന് വനംവകുപ്പ് വിവിധ ഇടങ്ങളില് കൂട് സ്ഥാപിച്ചു. […]
കണ്ണൂര്: കൊട്ടിയൂരില് കടുവയെ കമ്പി വേലിയില് കുടുങ്ങിയ നിലയില് കണ്ടെത്തി. പന്ന്യാമലയിലെ കൃഷിയിടത്തിലാണ് കടുവ കുടുങ്ങിയത്. വനം വകുപ്പ് ഉദ്യോഗസ്ഥര് സ്ഥലത്തെത്തി. മയക്കു വെടി വയ്ക്കാനുള്ള അനുമതി തേടി. റബര് ടാപ്പിങിനായി പോയ യുവാവാണ് കടുവയെ കണ്ടത്. ഉടന് വനപാലകരെ വിവരമറിയിക്കുകയായിരുന്നു. കടുവ എപ്പോള് വേണമെങ്കിലും വേലിയില് നിന്ന് രക്ഷപ്പെട്ട് പുറത്ത് ചാടാമെന്നിരിക്കെ പോലീസ് പ്രദേശത്തേക്കുള്ള റോഡ് പൂര്ണ്ണമായും അടച്ചു. മാനന്തവാടിയില് നിന്ന് മയക്കുവെടി വിദഗ്ദര് വന്നാല് മാത്രമേ കടുവയെ വെടിവച്ച് കൊണ്ടു പോകാനാവൂ.
വയനാട്: പുല്പ്പള്ളിയില് വീണ്ടും കടുവയിറങ്ങി. തൊഴുത്തിന്റെ പിറകില് കെട്ടിയ പശുക്കിടാവിനെ കടിച്ചുകൊന്നു. താഴത്തേടത്ത് ശോശാമ്മയുടെ പശുക്കിടാവിനെയാണ് കടുവ ആക്രമിച്ച് കൊന്നത്. പുലര്ച്ചെയായിരുന്നു സംഭവം. വീട്ടുകാര് ബഹളം വെച്ചതോടെ കടുവ കൃഷിയിടത്തിലേക്ക് ഓടി. മേഖലയില് വനം വകുപ്പ് ഉദ്യോഗസ്ഥര് എത്തി കടുവയ്ക്കായി പരിശോധന നടത്തുന്നുണ്ട്. പശുക്കിടാവിന്റെ കരച്ചില് കേട്ട് വീട്ടുകാര് എത്തിയപ്പോഴാണ് കടുവ പശുക്കിടാവിനെ വലിച്ചിഴച്ചുകൊണ്ടു പോകുന്നത് കണ്ടത്.
വയനാട് കൊളഗപ്പാറ ചൂരിമല ബീനാച്ചി എസ്റ്റേറ്റില് വനംവകുപ്പിന്റെ കൂട്ടില് കടുവ കുടുങ്ങി. വളര്ത്തുമൃഗങ്ങള്ക്കു നേരെ ആക്രമണം പതിവായതോടെയാണ് ബീനാച്ചി എസ്റ്റേറ്റില് കൂട് സ്ഥാപിച്ചത്. ഇന്നലെ കടുവയുടെ ആക്രമണത്തില് പശു ചത്തിരുന്നു.ഒരു മാസത്തിനിടെ നാലാമത്തെ വളര്ത്തുമൃഗമാണ് കടുവയുടെ ആക്രമണത്തില് ഇവിടെ കൊല്ലപ്പെടുന്നത്. ഇതിനെ തുടര്ന്നാണ് കടുവയെ പിടിക്കാനുള്ള ശ്രമം വനംവകുപ്പ് ഊര്ജ്ജിതമാക്കിയത്. അതിനിടെ ബത്തേരി ടൗണില് രാത്രി 11 മണിയോടെ കരടിയെ കണ്ടതായി നാട്ടുകാര്. റോഡിലൂടെ കരടി നടന്നു പോകുന്ന സിസിടിവി ദൃശ്യങ്ങള് പുറത്ത്. ബത്തേരി കോടതി വളപ്പില് […]
സുല്ത്താന് ബത്തേരി: വയനാട് വാകേരിയില് കഴിഞ്ഞ ദിവസം പശുക്കിടാവിനെ കടിച്ചുകൊന്ന തൊഴുത്തില് വീണ്ടും കടുവയെത്തിയതോടെ സ്ഥലത്ത് വനംവകുപ്പ് കൂട് സ്ഥാപിച്ചു. കടുവ രണ്ടാമതും എത്തിയതോടെ കൂട് സ്ഥാപിക്കണമെന്ന് നാട്ടുകാര് ആവശ്യപ്പെട്ടിരുന്നു. വാകേരി സിസിയിലെ ഞാറക്കാട്ടില് സുരേന്ദ്രന്റെ തൊഴുത്തിലെത്തിയാണ് ഒരു ദിവസം മുമ്പ് കടുവ എട്ടുമാസം പ്രായമുള്ള പശുക്കിടാവിനെ കൊന്നത്. പാതിയിലേറെ ഭക്ഷിച്ച നിലയിലായിരുന്നു ജഡം. തൊഴുത്തില് പശുവും ഉണ്ടായിരുന്നു. എന്നാല്, കയര് പൊട്ടിച്ച് ഓടിയതോടെ പശു രക്ഷപ്പെടുകയായിരുന്നു. തുടര്ന്ന് ഇവിടെ സിസിടിവി ക്യാമറ സ്ഥാപിച്ചു. ഇതിലാണ് ഇന്നലെ […]
സുല്ത്താന് ബത്തേരി: വയനാട് ബത്തേരി സിസിയില് പശുക്കിടാവിനെ പിടിച്ച തൊഴുത്തില് കടുവ വീണ്ടുമെത്തി. പ്രദേശത്ത് സ്ഥാപിച്ച കാമറയില് കടുവയുടെ ദൃശ്യങ്ങള് പതിഞ്ഞിട്ടുണ്ട്. കഴിഞ്ഞദിവസമാണ് ബത്തേരി-മാനന്തവാടി റോഡില് സിസി എന്ന സ്ഥലത്തെ ഞാറക്കാട് സുരേന്ദ്രന്റെ വീട്ടിലെ തൊഴുത്തില് കയറി പശുക്കിടാവിനെ കടുവ കടിച്ചുകൊന്നത്. പശുക്കിടാവിനെ ആക്രമിച്ചത് കടുവയാണെന്ന് സംശയമുണ്ടായിരുന്നു. തുടര്ന്ന് കാല്പ്പാടുകള് പരിശോധിച്ച് അധികൃതര് കടുവയാണെന്ന് ഉറപ്പാക്കി.
കല്പറ്റ: വയനാട് വാകേരിയില് നിന്ന് പിടികൂടിയ നരഭോജി കടുവയെ തൃശൂര് പുത്തൂര് മൃഗശാലയിലേക്ക് മാറ്റി. ആദ്യം കുപ്പാടിയിലെ വന്യമൃഗപരിപാലന കേന്ദ്രത്തിലെത്തിച്ച ശേഷമാണ് ആരോഗ്യ പരിശോധനകള് പൂര്ത്തിയാക്കിയ കടുവയെ പുത്തൂരിലെത്തിച്ചത്. വാകേരി കോളനിക്കവലയില് സ്ഥാപിച്ച കൂട്ടില് ഇന്നലെ ഉച്ചയോടെ കടുവ കുടുങ്ങുകയായിരുന്നു. കാടിനെയും നാടിനെയും ഒരുപോലെ വിറപ്പിച്ച ഡബ്ല്യു.ഡബ്ല്യു.എല് 45 എന്ന നരഭോജിക്കടുവ ഇന്നലെ ഉച്ചയോടെയാണ് കൂട്ടിലായത്. ആദ്യം കടുവയെ എത്തിച്ച കുപ്പാടി വന്യമൃഗപരിപാലന കേന്ദ്രത്തില് ഏഴു കടുവകള്ക്കുള്ള കൂടുകളാണുള്ളത്. ഡബ്ല്യു.ഡബ്ല്യു.എല് 45 കൂടി എത്തിയതോടെ എണ്ണം എട്ടായി. […]
വയനാട്: കല്ലൂര്കുന്നില് പശുവിനെ ആക്രമിച്ച് കൊന്നത് നരഭോജി കടുവയെന്ന് സ്ഥിരീകരിച്ച് വനംവകുപ്പ്. വാകേരി കൂടല്ലൂരില് യുവകര്ഷകനെ കൊന്ന അതേ കടുവയുടെ അതേ കാല്പ്പാടുകളാണ് കല്ലൂര്കുന്നിലും കണ്ടെത്തിയിരിക്കുന്നത്. മേഖലയില് ഡ്രോണ് നിരീക്ഷണം തുടങ്ങി. കൂടുതല് വനംവകുപ്പ് ഉദ്യോഗസ്ഥരും ആര്ആര്ടി സംഘവും സ്ഥലത്തെത്തും. പ്രദേശത്ത് ക്യാമറാ ട്രാപ്പ് സ്ഥാപിച്ചു. രണ്ട് കൂടുകള് കൂടി സ്ഥാപിക്കും. ഇന്നലെ കൂടല്ലൂര് കവലയ്ക്ക് മുകളിലായി കട്ടില് ഒരു കൂട് കൂടി സ്ഥാപിച്ചിരുന്നു. ഇതോടെ കൂടുകളുടെ എണ്ണം നാലായി.
