തെലുങ്കിലെ വിലപിടിപ്പുള്ള താരമാണ് ചിരഞ്ജീവി. ആചാര്യ എന്ന സിനിമയാണ് ചിരഞ്ജീവിയുടേതായി അണിയറയില്‍ പൂര്‍ത്തിയായിക്കൊണ്ടിരിക്കുന്നത്. ചിത്രത്തിന്റെ ഫോട്ടോകള്‍ ഓണ്‍ലൈനില്‍ തരംഗമായിരുന്നു. ഇപ്പോഴിതാ തല അജിത്തിന്റെ സൂപ്പര്‍ഹിറ്റ് ചിത്രം വേതാളം ചിരഞ്ജീവി റീമേക്ക് ചെയ്യുന്നുവെന്നാണ് പുതിയ വാര്‍ത്ത. സിനിമയില്‍ ചിരഞ്ജീവിയുടെ ലുക്കെന്ന പേരില്‍ നേരത്തെ ഫോട്ടോ പുറത്തുവിട്ടിരുന്നു. വേതാളം എന്ന സിനിമയുടെ തെലുങ്ക് റീമേക്കിന് ചിരഞ്ജീവിക്ക് വന്‍ പ്രതിഫലമാണ് ലഭിക്കുന്നത്. 60 കോടി രൂപയായിരിക്കും ചിരഞ്ജീവിക്ക് വേതാളം തെലുങ്ക് സിനിമയില്‍ അഭിനയിക്കുമ്പോള്‍ കിട്ടുകയെന്നാണ് ടോളിവുഡ് ഡോട് കോം വാര്‍ത്തയില്‍ പറയുന്നത്. […]