തന്നെ പുകഴ്ത്തി സംസാരിച്ച് സമയം കളയരുത്; ഡി.എം.കെ എം.എല്.എ മാരോട് സ്റ്റാലിന്
തന്നെ പുകഴ്ത്തി സംസാരിച്ച് സമയം കളയരുതെന്ന് ഡി.എം.കെ എം.എല്.എമാരോട് തമിഴ്നാട് മുഖ്യമന്ത്രി എം.കെ. സ്റ്റാലിന്. തന്നെ പുകഴ്ത്തി സംസാരിക്കരുതെന്ന് നിയമസഭയിലാണ് സ്റ്റാലിന് വ്യക്തമാക്കിയത്. ‘ബില് അവതരിപ്പിക്കുന്ന സമയത്തും ചോദ്യോത്തരവേളകളിലും നേതാക്കളെ പുകഴ്ത്തി സമയം പാഴാക്കരുത്. സമയത്തിന്റെ വില കണക്കിലെടുത്താണ് ഞാനിത് നിര്ദേശിക്കുന്നത്,’ സ്റ്റാലിന് പറഞ്ഞു. ഇത് അഭ്യര്ത്ഥനയല്ലെന്നും തന്റെ ഉത്തരവാണെന്നും അദ്ദേഹം കൂട്ടിച്ചേര്ത്തു. തമിഴ്നാട്ടില് നിയമസഭാ സമ്മേളനം നടക്കുകയാണ് ഇപ്പോള്. സഭാ സമ്മേളനം തുടങ്ങിയത് മുതല് പ്രസംഗിക്കുന്ന എല്ലാ എം.എല്.എമാരും മുഖ്യമന്ത്രിയെ വാനോളം പുകഴ്ത്തുന്നുണ്ട്. കേട്ട് മടുത്തതോടെയാണ് […]