നെഞ്ചുവേദനയെ തുടർന്ന് ബി.സി.സി.ഐ പ്രസിഡന്‍റും മുൻ ഇന്ത്യൻ ക്രിക്കറ്റ്​ ടീം ക്യാപ്​റ്റനുമായ സൗരവ്​ ഗാംഗുലിയെ അപ്പോളോ ആശുപ്രതിയിൽ പ്രവേശിപ്പിച്ചു. ആരോഗ്യസ്ഥിതിയെക്കുറിച്ചുള്ള വിശദ വിവരങ്ങൾ പുറത്തുവിട്ടിട്ടില്ല.ഈ മാസമാദ്യം ഹൃദയാഘാതത്തെ തുടർന്ന്​ ആശു​പത്രിയിൽ പ്രവേശിപ്പിച്ച ഗാംഗുലിയെ ഏതാനും ദിവസങ്ങൾക്ക്​ ശേഷം ഡിസ്​ചാർജ്​ ചെയ്​തിരുന്നു. ആൻജിയോ പ്ലാസ്റ്റി ശസ്​ത്രക്രിയക്ക്​ വിധേയമാക്കിയ താരം വീട്ടിൽ ഡോക്​ടർമാരുടെ നിരീക്ഷണത്തിലായിരുന്നു.

ഇന്ത്യന്‍ മുന്‍ ക്രിക്കറ്റ് താരവും ബി.സി.സി.ഐ പ്രസിഡന്റുമായ സൗരവ് ഗാംഗുലിക്ക് വര്‍ക്ക് ഔട്ടിനിടെ തളര്‍ച്ചയും നെഞ്ചുവേദനയെയും തുടര്‍ന്ന് ആശുപത്രിയില്‍ പ്രവേശിപ്പിച്ചു. ഇന്ന് രാവിലെയാണ് അദ്ദേഹത്തിന് ശാരീരികാസ്വാസ്ഥ്യം അനുഭവപ്പെട്ടത്. ഉടന്‍ തന്നെ അദ്ദേഹത്തെ കൊല്‍ക്കത്തയിലെ വുഡ്‌ലാന്റ്‌സ് ആശുപത്രിയില്‍ പ്രവേശിപ്പിക്കുകയായിരുന്നു. അദ്ദേഹത്തിന് ആന്‍ജിയോപ്ലാസ്റ്റി നടത്തിയതായാണ് റിപ്പോര്‍ട്ടുകള്‍.കാര്‍ഡിയാക് ടെസ്റ്റുകളായ ഇ.ഇ.ജി, ഇ.സി.ജി എന്നിവ എടുത്തിട്ടുണ്ട്.നിലവില്‍ അദ്ദേഹത്തിന്റെ ആരോഗ്യനില തൃപ്തികരമാണെന്നാണ് അറിയുന്നത്.