അരൂര്: വീടിന്റെ വര്ക്ക് ഏരിയയില് വെച്ച് പാമ്പുകടിയേറ്റ യുവതി മരിച്ചു. അരൂര് പഞ്ചായത്തില് 16-ാo വാര്ഡില് കോതാട്ട് ഡിനൂബിന്റെ ഭാര്യ നീതു (32) വാണ് മരിച്ചത്. വ്യഴാഴ്ച രാവിലെ ഒമ്പതോടെ വീടിന് പിന്നിലുള്ള വര്ക്ക് ഏരിയയില്വെച്ചാണ് പാമ്പുകടിയേറ്റത്. തുടര്ന്ന് എറണാകുളത്തെ ആശുപത്രിയില് പ്രവേശിപ്പിച്ചു. വൈകിട്ട് ആറോടെ മരിച്ചു. ഭര്ത്താവ് വിദേശത്താണ്. മകള്: അലിയ (5). സംസ്ക്കാരം ശനിയാഴ്ച രാവിലെ 10ന് ഇടക്കൊച്ചി സെമിത്തേരിയില്.
പയ്യന്നൂര്: കണ്ണൂര് ഗവ. മെഡിക്കല് കോളേജ് കാര്ഡിയോളജി വിഭാഗം ശുചിമുറിയില് മൂര്ഖന് പാമ്പിനെ കണ്ടെത്തി. ബി. ബ്ലോക്കിലെ രോഗിയുടെ കൂട്ടിരിപ്പുകാരന് ശുചിമുറിയിലേക്ക് പോകുമ്പോഴാണ് പാമ്പിനെ കണ്ടത്. വിവരമറിയിച്ചതിനെ തുടര്ന്ന് സുരക്ഷാ ജീവനക്കാരെത്തി പാമ്പിനെ പിടൂകൂടി. മെഡിക്കല് കോളേജില് വര്ഷങ്ങളായി തുടര്ന്നുവരുന്ന വിഷപ്പാമ്പ് ശല്യം മാറ്റമില്ലാതെ തുടരുകയാണ്. മാസങ്ങള്ക്കു മുമ്പ് തീവ്രപരിചരണ വിഭാഗത്തിലും വാര്ഡിനു മുന്നിലും പാമ്പിനെ കണ്ടിരുന്നു. വിദ്യാര്ഥികളുടെ ഹോസ്റ്റലുകളിലും മറ്റും പാമ്പ് ശല്യം നേരത്തെ തന്നെ ഉണ്ടായിരുന്നു. പ്രദേശത്തെ കാട് വെട്ടിത്തെളിക്കാത്തതും മാലിന്യനിക്ഷേപമുമാണ് പാമ്പ് ശല്യം […]
തിരുവനന്തപുരം പേപ്പാറ അഞ്ചുമരുതുമൂട്ടിലെ ജനവാസ കേന്ദ്രത്തില്നിന്നാണ് 18 അടിയോളം നീളമുള്ള രാജവെമ്പാലയെ റോഷ്നിയും സംഘവും പിടികൂടിയത്. വിതുര പരുത്തിപ്പള്ളി റേഞ്ച് പരിധിയില് വരുന്ന ആര്യനാട് പാലോട് സെക്ഷനിലെ പേപ്പാറ റോഡില് മരുതന് മൂടിയില്നിന്നാണ് റോഷ്നി ഉള്പ്പെട്ട സംഘം രാജവെമ്പാലയെ പിടികൂടിയത്. രാജവെമ്പാലയെ ആദ്യമായാണ് ബീറ്റ് ഫോറസ്റ്റ് ഓഫിസര് ജി എസ് റോഷ്നി പിടികൂടുന്നത്. മുന്പ് പല വിഷപ്പാമ്പുകളെയും പിടികൂടിയിട്ടുണ്ടെങ്കിലും രാജവെമ്പലയെ പിടിക്കുന്നത് ആദ്യമായാണെന്നും വീഡിയോ വൈറലായതിന് പിന്നാലെ ബീറ്റ് ഫോറസ്റ്റ് ഓഫിസര് ജി എസ് റോഷ്നി പ്രതികരിച്ചു. […]
കണ്ണൂര്: ചെറുവാഞ്ചേരിയില് വീട്ടിനുള്ളില് നിന്ന് രാജവെമ്പാലയെ പിടികൂടി. ചെറുവാഞ്ചേരി സ്വദേശി ശ്രീജിത്തിന്റെ വീട്ടില് നിന്നാണ് പാമ്പിനെ പിടികൂടിയത്. വീട്ടിലെ കുട്ടിയുടെ ഇലക്ട്രോണിക് ടോയ് കാറിന്റെ അടിയിലാണ് രാജവെമ്പാല ഉണ്ടായിരുന്നത്. സര്പ്പ വളണ്ടിയറും മാര്ക്ക് പ്രവര്ത്തകനുമായ ബിജിലേഷ് കോടിയേരിയാണ് രാജവെമ്പാലയെ പിടികൂടിയത്.
കോതമംഗലത്തിന് സമീപം പുന്നേക്കാട് ശുചിമുറിയില്ക്കയറി ഒളിച്ച കൂറ്റന് രാജവെമ്പാലയെ പിടികൂടി. പുന്നേക്കാട്, കൊണ്ടിമറ്റം സ്വദേശിയുടെ വീടിനോട് ചേര്ന്നുള്ള ശുചി മുറിയില് നിന്നുമാണ് പതിനഞ്ചടിയോളം നീളമുള്ള രാജവെമ്പാലയെ പിടികൂടിയത്. വീട്ടുകാര് അറിയിച്ചതിനെ തുടര്ന്ന് പുന്നേക്കാട് ഫോറസ്റ്റ് സ്റ്റേഷനിലെ ഉദ്യോഗസ്ഥരുടെ നിര്ദ്ദേശപ്രകാരം പാമ്പുപിടുത്ത വിദഗ്ധന് ജുവല് ജൂഡിയാണ് സ്ഥലത്തെത്തി പാമ്പിനെ പിടികൂടി വനപാലകര്ക്ക് കൈമാറിയത്. ഇന്നലെ വൈകിട്ടാണ് വീട്ടുകാര് ശുചിമുറിയില് പാമ്പിനെ കണ്ടത്. പാമ്പിന്റെ ശീല്ക്കാര ശബ്ദം കേട്ടതോടെയാണ് വീട്ടുകാരുടെ ശ്രദ്ധയില്പ്പെട്ടത്. വനപാലക സംഘം ഏറെ നേരത്തെ ശ്രമത്തിനുശേഷം സുരക്ഷിതമായി […]
തിരുവനന്തപുരം: ക്ലാസ് മുറിയില് എഴാം ക്ലാസുകാരിക്ക് പാമ്പുകടിയേറ്റതില് അന്വേഷണത്തിന് നിര്ദേശം. അന്വേഷിച്ച് റിപ്പോര്ട്ട് സമര്പ്പിക്കാന് വിദ്യാഭ്യാസ ഡയറക്ടര്ക്ക് വിദ്യാഭ്യാസ മന്ത്രി നിര്ദേശം നല്കി. കഴിഞ്ഞ ദിവസം ക്രിസ്തുമസ് ആഘോഷത്തിനിടെയാണ് നെയ്യാറ്റിന്കര ചെങ്കല് സ്കൂളിലെ വിദ്യാര്ത്ഥി നേഹയ്ക്ക് ക്ലാസ് മുറിയില് വെച്ച് പാമ്പുകടിയേറ്റത്. കുട്ടി തിരുവനന്തപുരം മെഡിക്കല് കോളേജ് ആശുപത്രിയില് നിരീക്ഷണത്തില് കഴിയുകയാണ്. കുട്ടിയുടെ ആരോഗ്യനില തൃപ്തികരം. ക്ലാസിനുള്ളില് കൂട്ടുകാരിയുടെ കൂടെ ഇരിക്കുമ്പോഴായിരുന്നു കാലില് കടിയേറ്റത്. സ്കൂളിന് ചുറ്റുമുള്ള കാട് വെട്ടിത്തെളിക്കാന് തുടങ്ങിയപ്പോഴാണ് പാമ്പ് വന്നത് എന്നാണ് സ്കൂള് […]
പാലക്കാട്: ചിറ്റൂര് താലൂക്ക് ആശുപത്രിയില് യുവതിക്ക് പാമ്പുകടിയേറ്റു. മകളുമായി ആശുപത്രിയിലെത്തി പുതുനഗരം കരിപ്പോട് സ്വദേശിനി ഗായത്രിയെയാണ് പാമ്പ് കടിച്ചത്. ഇന്ന് രാവിലെയാണ് സംഭവം ഉണ്ടായത്. യുവതിയെ പാലക്കാട് ജില്ലാ ആശുപത്രിയില് പ്രവേശിപ്പിച്ചു. കഴിഞ്ഞ ദിവസം ഡെങ്കിപ്പനി ബാധിച്ച മകളുടെ ചികിത്സയ്ക്കായി ചിറ്റൂര് താലൂക്ക് ആശുപത്രിയില് എത്തിയതായിരുന്നു യുവതി. സംഭവത്തില് ആശുപത്രി അധികൃതര്ക്കെതിരെ പ്രതിഷേധം ഉയരുകയാണ്.
ജക്കാര്ത്ത: ഇന്തോനേഷ്യയിലെ ദക്ഷിണ സുലവേസിയിലെ കാലെംപാങ്ങില് മൂന്നു ദിവസം മുന്പ് കാണാതായ യുവതി പെരുമ്പാമ്പിന്റെ വയറ്റില് മരിച്ച നിലയില്. കാലെംപാങ് സ്വദേശി ഫരീദയെയാണു(45) വ്യാഴാഴ്ച മുതല് കാണാതായിരുന്നത്. വീട്ടില് തയാറാക്കിയ ഭക്ഷണം വില്ക്കാനായി അങ്ങാടിയില് പോയതായിരുന്നു അവര്. എന്നാല് രാത്രിയായിട്ടും തിരിച്ചുവരാതായതോടെ ഭര്ത്താവ് നോനി അയല്പക്കത്തും ബന്ധുവീടുകളിലുമെല്ലാം ബന്ധപ്പെട്ടു. എന്നാല്, ഫരീദ അവിടെയൊന്നും എത്തിയിരുന്നില്ല. തുടര്ന്നു നാട്ടുകാര് ഒന്നാകെ ഇറങ്ങി നടത്തിയ തിരച്ചിലിനൊടുവിലാണു കഴിഞ്ഞ ദിവസം വീട്ടിനടുത്തുള്ള പറമ്പില് പെരുമ്പാമ്പ് വിഴുങ്ങിയ നിലയില് യുവതിയെ കണ്ടെത്തിയത്. തുടര്ന്ന് […]
പെട്ടിയില് പാമ്പുകള്ക്കൊപ്പം ഇരിക്കുന്നയാളുടെ ദൃശ്യങ്ങളാണ് സോഷ്യല്മീഡിയയില് വൈറലാകുന്നത്.അമേരിക്കയിലെ കലിഫോര്ണിയയിലെ ഫൗണ്ടന്വാലി മൃഗശാലയിലെ മേല്നോട്ടക്കാരനായ ജെയ് ബ്രൂവറാണ് കൂറ്റന് പെരുമ്പാമ്പുകള്ക്കൊപ്പം ഇരിക്കുന്നത്. ജയ് ബ്രൂവര് തന്നെയാണ് വീഡിയോ ഇന്സ്റ്റഗ്രാമില് പങ്കുവെച്ചത്. മൂന്ന് തരത്തിലുള്ള പെരുമ്പാമ്പുകള് ബ്രൂവറിനെ ചുറ്റിവരിയുന്നത് ദൃശ്യങ്ങളില് കാണാം.
പത്തനംതിട്ട: പെരുമ്പാമ്പിനെ ചാക്കില് കെട്ടി പഞ്ചായത്ത് മെമ്പറുടെ വീട്ടുമുറ്റത്തു എറിഞ്ഞതായി പരാതി. പത്തനംതിട്ട ചെന്നീര്ക്കര ആറാം വാര്ഡ് മെമ്പര് ബിന്ദു ടി ചാക്കോയാണ് ഇലവുതിട്ട പൊലീസില് പരാതി നല്കിയത്. സംഭവത്തില് പൊലീസ് അന്വേഷണം ആരംഭിച്ചു. വ്യാഴാഴ്ച രാത്രി പതിനൊന്ന് മണിയോടെ പ്രദേശത്ത് പെരുമ്പാമ്പിനെ കണ്ടുവെന്നും വനം വകുപ്പിനെ അറിയിക്കണമെന്നും നാട്ടുകാരില് ചിലര് മെമ്പറിനോട് ആവശ്യപ്പെട്ടിരുന്നു. എന്നാല് വനപാലകര് എത്താന് വൈകിയതോടെ പെരുമ്പാമ്പിനെ പിടികൂടി ഒരു സംഘം ചാക്കില് കെട്ടി മെമ്പറുടെ വീട്ടുമുറ്റത്ത് തള്ളുകയായിരുന്നു. സംഭവസമയം മെമ്പറും പ്രായമായ […]
