എല്ലാ തെരഞ്ഞെടുപ്പുകള്ക്കുമായി ഒറ്റ വോട്ടര് പട്ടിക;പാര്ലമെന്ററി സമിതിയുടെ ശുപാര്ശ
എല്ലാ തെരഞ്ഞെടുപ്പുകള്ക്കുമായി രാജ്യത്ത് ഒറ്റ വോട്ടര് പട്ടിക തയ്യാറാക്കാന് നിര്ദേശം. പാര്ലമെന്റിന്റെ നിയമകാര്യ സ്റ്റാന്ഡിംഗ് കമ്മിറ്റിയാണ് ഇതുസംബന്ധിച്ച ശുപാര്ശ നല്കിയത്. ഇക്കാര്യത്തില് കേന്ദ്രസര്ക്കാര് സംസ്ഥാനങ്ങളുടെ യോഗം വിളിക്കും. നിലവില് ദേശീയ തെരഞ്ഞെടുപ്പ് കമ്മീഷനാണ് പാര്ലമെന്റ് തെരഞ്ഞെടുപ്പിനും നിയമസഭാ തെരഞ്ഞെടുപ്പുകള്ക്കുമുള്ള വോട്ടര്പട്ടികയുടെ ചുമതല. തദ്ദേശ സ്വയംഭരണ സ്ഥാപനങ്ങളിലേക്കുള്ള തെരഞ്ഞെടുപ്പുകളുടെ വോട്ടര് പട്ടിക തയ്യാറാക്കുന്നത് സംസ്ഥാന തെരഞ്ഞെടുപ്പ് കമ്മീഷനാണ്. ഇതിനു പകരം ഏകീകരിച്ച വോട്ടര്പട്ടിക തയ്യാറാക്കി എല്ലാ തെരഞ്ഞെടുപ്പുകളും ഇതിന്റെ അടിസ്ഥാനത്തില് നടത്തുക എന്നതാണ് പുതിയ ശുപാര്ശ മുന്നോട്ട് വെക്കുന്നത്. […]