സിദ്ദിഖ് കാപ്പൻ ജയിൽ മോചിതനായി;പൊതു സമൂഹത്തോടും മാധ്യമങ്ങളോടും നന്ദിയെന്ന് കാപ്പൻ
മാധ്യമപ്രവർത്തകൻ സിദ്ദിഖ് കാപ്പൻ ജയിൽ മോചിതനായി.ലക്നൌ ജയിൽ നിന്നും പുറത്തിറങ്ങിയ കാപ്പൻ തന്റെ മോചനത്തിന് വേണ്ടി പ്രവർത്തിച്ച മാധ്യമപ്രവർത്തകരോടും പൊതുസമൂഹത്തോടും നന്ദിയറിയിച്ചു. നടപടികള്‍ പൂര്‍ത്തിയായതോടെ കാപ്പനെ റിലീസ് ചെയ്യാനുള്ള ഓര്‍ഡര്‍ ലഖ്നൗ സെഷന്‍സ് കോടതി ജയിലിലേക്ക് അയച്ചിരുന്നു. തുടര്‍ന്ന് ഇന്ന് രാവിലെയാണ് ലഖ്നൗ ജയിലില്‍ നിന്ന് പുറത്തിറങ്ങിയത്.ഇനിയും നീതി ലഭിച്ചിട്ടില്ലെന്നും ഒപ്പമുണ്ടായവര്‍ക്ക് കൂടെ നീതി ലഭിച്ചാലെ അത് പൂര്‍ണമാവുകയുള്ളുവെന്നും ജയിലില്‍ നിന്ന് മോചിതനായ ശേഷം കാപ്പന് മാധ്യമങ്ങളോട് പറഞ്ഞു.റിപ്പോർട്ടിംഗിന് വേണ്ടി പോയ സമയത്താണ് പൊലീസ് അറസ്റ്റ് ചെയ്തത്. […]
