കുട്ടികള്ക്ക് ഫുട്ബോളും ,ജേഴ്സിയുമായി ക്ലബ് ഷമീറിയന്സ് ഫൗണ്ടേഷനും
നിലമ്പൂര്: ഫുട്ബോള് പന്തിന് വേണ്ടി കുട്ടികള് യോഗം ചേര്ന്ന സുശാന്ത് നിലമ്പൂരിന്റെ ഫെയ്സ്ബുക്ക് വിഡിയോ കണ്ട് ,കുട്ടികള്ക്ക് സഹായഹസ്തവുമായി ക്ലബ് ഷമീറിയന്സ് ഫൗണ്ടേഷനും നിലമ്പൂരിലെത്തി. ഏറെ കൗതുകമുണര്ത്തുന്ന രൂപത്തില് യോഗം സംഘടിപ്പിച്ച കുട്ടികളുടെ വീഡിയോ കഴിഞ്ഞ ദിവസം സാമൂഹ്യമാധ്യമങ്ങളില് വൈറലായിരുന്നു. തുടര്ന്ന് ഫുട്ബോളും സമ്മാനങ്ങളും കുട്ടികള്ക്ക് കൈമാറി മുന്നോട്ടുള്ള കുട്ടികളുടെ പ്രവര്ത്തനങ്ങള്ക്ക് എല്ലാ സഹായവും, വാഗ്ദാനം ചെയ്തു. ഷമീര് പറപ്പാറ, അഡ്വ: ഷമീര് കുന്ദമംഗലം, ഇ.സി ഷമീര്, ഷമീര് വൈറ്റ് ലൈന്, ഷമീര് മുക്കം തുടങ്ങിയവര് സംബന്ധിച്ചു.