‘ജീവിതവും സാമ്പത്തിക ഇടപെടലുകളും തുറന്ന പുസ്തകം’; ഹിന്ഡന്ബര്ഗ് ആരോപണങ്ങള് തള്ളി സെബി ചെയര്പേഴ്സന്
ന്യൂഡല്ഹി: അദാനി ഗ്രൂപ്പിന്റെ ഷെല് കമ്പനികളില് നിക്ഷേപമുണ്ടെന്ന ഹിന്ഡന്ബര്ഗ് ആരോപണങ്ങള് നിഷേധിച്ച് സെക്യൂരിറ്റീസ് ആന്ഡ് എക്സ്ചേഞ്ച് ബോര്ഡ് ഓഫ് ഇന്ത്യ (സെബി) ചെയര്പേഴ്സന് മാധബി പുരി ബുച്ച്. ആരോപണങ്ങള് അടിസ്ഥാനരഹിതമാണെന്നും തന്റെ ജീവിതവും സാമ്പത്തിക ഇടപെടലുകളും തുറന്ന പുസ്തകമാണെന്നും മാധബി പുരി ബുച്ച് പ്രസ്താവനയില് വ്യക്തമാക്കി. ”ഹിന്ഡന്ബര്ഗ് പുറത്തുവിട്ട റിപ്പോര്ട്ടിലെ അടിസ്ഥാനരഹിതമായ ആരോപണങ്ങള് ശക്തമായി നിഷേധിക്കുന്നു”അവര് വ്യക്തമാക്കി. എല്ലാ സാമ്പത്തിക ഇടപാടുകളും പരിശോധനയ്ക്ക് വിധേയമാക്കാന് തയാറാണെന്നും സുതാര്യതയ്ക്കായി വിശദമായ പ്രസ്താവന പുറത്തുവിടുമെന്നും മാധബി പുരി ബുച്ച് വ്യക്തമാക്കി. […]
