ആര്എംപി നേതാവ് കെ എസ് ഹരിഹരന്റെ വീട് ആക്രമിച്ചത് സിപിഎം, ഡിവൈഎഫ്ഐ പ്രവര്ത്തകര്; പോലീസ് എഫ്ഐആര്
കോഴിക്കോട്: ആര്എംപി നേതാവ് കെ എസ് ഹരിഹരന്റെ വീട് ആക്രമിച്ചത് സിപിഎം, ഡിവൈഎഫ്ഐ പ്രവര്ത്തകരെന്ന് പൊലീസിന്റെ എഫ്ഐആര്. ഗേറ്റിന് മുന്നില് സ്ഫോടക വസ്തുക്കള് പൊട്ടിക്കുകയായിരുന്നു എന്നും എഫ്ഐആറില് വ്യക്തമാക്കുന്നു. ഹരിഹരന്റെ വീട് ആക്രമിച്ച സംഭവത്തില് കണ്ടാലറിയുന്ന മൂന്ന് പേര്ക്കെതിരെയാണ് പൊലീസ് കേസെടുത്തത്. സ്ഫോടക വസ്തു നിയമപ്രകാരമാണ് കേസെടുത്തിട്ടുള്ളത്. വീടിന് മുന്നിലെത്തി ഹരിഹരനെ അസഭ്യം പറഞ്ഞതിന് മറ്റൊരു എഫ്ഐആറും രജിസ്റ്റര് ചെയ്തിട്ടുണ്ട്. സ്ഫോടക വസ്തു എറിയുകയായിരുന്നില്ല, മറിച്ച് ബോംബ് അവിടെ വെച്ച് പൊട്ടിച്ചതാണെന്നാണ് ബോംബ് സ്ക്വാഡ് പരിശോധനയില് കണ്ടെത്തിയത്. […]