വയനാട് : വയനാട് ഉരുള്‍പ്പൊട്ടലില്‍ കാണാതായവര്‍ക്ക് വേണ്ടിയുള്ള തിരച്ചില്‍ നാലാം ദിനം. ചാലിയാര്‍ പുഴയുടെ ഭാഗമായ ചുങ്കത്തറ കൈപ്പിനിയില്‍ നിന്നാണ് ഒരു സ്ത്രീയുടെ മൃതദേഹം കണ്ടെത്തിയത്. പോത്തുകല്‍ ഭാഗത്ത് നിന്നും ആറ് കിലോമീറ്റര്‍ അകലെയുളള പ്രദേശമാണിത്. പുഴയുടെ തീരത്ത് രണ്ട് കൂറ്റന്‍ കല്ലുകള്‍ക്കിടയില്‍ കമിഴ്ന്ന് കിടക്കുന്ന നിലയിലായിരുന്നു മൃതദേഹം. പരിസരവാസികള്‍ അറിയിച്ചതനുസരിച്ച് പൊലീസ് സംഘമടക്കമെത്തി മൃതദേഹം ജില്ലാ ആശുപത്രിയിലേക്ക് മാറ്റി. വയനാട് ഉരുള്‍പ്പൊട്ടല്‍ ദുരന്തത്തില്‍ മരണ സംഖ്യ 317 ആയി ഉയര്‍ന്നു. 105 മൃതദേഹങ്ങള്‍ നടപടിക്രമങ്ങള്‍ പൂര്‍ത്തിയാക്കി […]

പനങ്കയം (മലപ്പുറം): വയനാട് മുണ്ടക്കൈയില്‍ ഉരുള്‍പൊട്ടിയതിനെ തുടര്‍ന്ന് ഒഴുകിയെത്തിയ മൂന്ന് മൃതദേഹങ്ങള്‍ കൂടി ചാലിയാറില്‍ കണ്ടെത്തി. ചാലിയാറിന്റെ പനങ്കയം കടവില്‍ നിന്നാണ് രണ്ട് പുരുഷന്മാരുടെയും ഒരു സ്ത്രീയുടെയും മൃതദേഹങ്ങള്‍ കണ്ടെത്തിയത്. പൊലീസും സന്നദ്ധപ്രവര്‍ത്തകരും ചേര്‍ന്ന് മൃതദേഹങ്ങള്‍ നിലമ്പൂര്‍ ജില്ലാ ആശുപത്രിയിലേക്ക് മാറ്റി. കൂടുതല്‍ മൃതദേഹങ്ങള്‍ ഉള്‍വനത്തിലെ പുഴയിലുണ്ടോ എന്നറിയാനാണ് തിരച്ചില്‍ നടത്തുന്നത്. മലവെള്ളപ്പാച്ചിലില്‍ മൃതദേഹങ്ങള്‍ ചാലിയാറിലൂടെ താഴോട്ട് ഒഴുകിപ്പോയിട്ടുണ്ടെന്ന സംശയവുമുണ്ട്. വയനാട് മുണ്ടക്കൈയില്‍ നിന്ന് 12 കിലോമീറ്ററോളം ചെങ്കുത്തായ മലയിടുക്കിലൂടെ ഒഴുകുന്ന അരണപ്പുഴയിലൂടെയാണ് മൃതദേഹങ്ങള്‍ ചാലിയാറിലെത്തിയത്. ചാലിയാര്‍ […]

പാലക്കാട്: പാലക്കാട് ചിറ്റൂര്‍ പുഴയില്‍ കുളിക്കാനിറങ്ങിയ നാലുപേര്‍ കുടുങ്ങി. നാലുപേര്‍ കുളിക്കാനിറങ്ങിയതിന് പിന്നാലെ ജലനിരപ്പ് ഉയരുകയായിരുന്നു. ഇതോടെ ഇവര്‍ പുഴയുടെ നടുക്ക് പെട്ടുപോകുകയായിരുന്നു. ഫയര്‍ഫോഴ്‌സ് ഇവരെ സാഹസികമായി രക്ഷപ്പെടുത്തി. ഉച്ചയോടെയാണ് സംഭവം. വെള്ളം കുത്തിയൊഴുകിയെത്തിയതോടെ നാലുപേരും പുഴയുടെ നടുവിലെ പാറക്കെട്ടില്‍ കയറി നിന്നു. ഇതാണ് രക്ഷയായത്. വിവരം അറിഞ്ഞ് മന്ത്രി കെ കൃഷ്ണന്‍കുട്ടി അടക്കമുള്ളവര്‍ സ്ഥലത്തെത്തി. ഫയര്‍ഫോഴ്സ് ഉദ്യോഗസ്ഥര്‍ സ്ഥലത്തെത്തിയിട്ടുണ്ട്.

മലപ്പുറം: ചേലേമ്പ്ര പുല്ലിപ്പറമ്പില്‍ കാണാതായ 11 വയസുകാരന്റെ മൃതദേഹം കണ്ടെത്തി. പാറയില്‍ സ്വദേശി ഫൈസലിന്റെ മകന്‍ മുഹമ്മദ് ഫാദിലിന്റെ മൃതദേഹം പുല്ലിപ്പുഴയില്‍ നിന്നാണ് ലഭിച്ചത്. ഇന്നലെ വൈകുന്നേരം മൂന്നുമണിയോടു കൂടി വീടിനു സമീപത്തെ അങ്ങാടിയിലേക്ക് പോവുകയാണെന്ന് പറഞ്ഞാണ് 11കാരന്‍ പുറത്തിറങ്ങിയത്. അഞ്ച് മണിയായിട്ടും തിരിച്ചുവരാത്തതിനെ തുടര്‍ന്നാണ് വീട്ടുകാര്‍ അന്വേഷിക്കുന്നത്. ഇന്നലെ രാത്രി മുഴുവന്‍ തിരച്ചില്‍ നടത്തിയെങ്കിലും കണ്ടെത്താനായില്ല. ഇന്ന് വീണ്ടും തിരച്ചില്‍ തുടര്‍ന്നു. സമീപപ്രദേശത്തെ തോട്ടിലും പുല്ലിപ്പുഴയിലും അടക്കം തിരച്ചില്‍ നടത്തി. തുടര്‍ന്ന് കുട്ടിയുടെ മൃതദേഹം പുല്ലിപ്പുഴയില്‍ […]

മലപ്പുറം: വേങ്ങരയില്‍ പതിനഞ്ചുവയസ്സുകാരന്‍ കുളത്തില്‍ മുങ്ങിമരിച്ചു. ചെട്ടിപ്പടി സ്വദേശി പുഴക്കലകത്ത് സൈദലവിയുടെ മകന്‍ ഷാന്‍ ആണ് മരിച്ചത്. വേങ്ങര കിളനക്കോട്ടെ ഏക്കര്‍ കുളത്തില്‍ കുളിക്കുന്നതിനിടെയാണ് അപകടം ഉണ്ടായത്. കുളം നീന്തിക്കയറുന്നതിനിടെ കുഴഞ്ഞു പോവുകയും മുങ്ങി മരിക്കുകയായിരുന്നു. നാട്ടുകാരും ഫയര്‍ഫോഴ്‌സ് ഉദ്യോഗസ്ഥരും ചേര്‍ന്ന് നടത്തിയ തിരച്ചിലാണ് മൃതദേഹം കണ്ടെത്തിയത്.

കൊല്ലം: തുണി കഴുകുന്നതിനിടെ കാല്‍വഴുതി കല്ലട ആറ്റില്‍ വീണ വീട്ടമ്മയ്ക്ക് രണ്ടാം ജന്മം. ഒഴുക്കില്‍പ്പെട്ട് 10 കിലോമീറ്ററോളമാണ് കുളക്കട കിഴക്ക് മനോജ് ഭവനില്‍ ശ്യാമളയമ്മ (64) ഒഴുകിയത്. വള്ളിയില്‍ തടഞ്ഞു നിന്നതോടെ ശ്യാമളയുടെ നിലവിളികേട്ട് പരിസരവാസികളാണ് ഇവരെ രക്ഷപെടുത്തി രണ്ടാം ജന്മം നല്‍കിയത്. ഇന്നലെ വീടിനു സമീപത്തെ കടവില്‍ തുണി കഴുകാന്‍ എത്തിയപ്പോള്‍ കാല്‍ വഴുതി ആറ്റില്‍ വീഴുകയായിരുന്നു എന്നാണ് ശ്യാമളയമ്മ പറഞ്ഞത്. നീന്തല്‍ അറിയില്ലായിരുന്നു. ആറ്റിലെ ജലനിരപ്പ് ഉയര്‍ന്നിരുന്നതിനാല്‍ ഒഴുക്കും ശക്തമായിരുന്നു. മലര്‍ന്നു കിടന്ന നിലയില്‍ […]

ആലപ്പുഴ: ആലപ്പുഴയില്‍ യുവാവും യുവതിയും പാലത്തിന്റെ മുകളില്‍ നിന്ന് കായലിലേക്ക് ചാടി. ഇവര്‍ക്കായി തിരച്ചില്‍ ആരംഭിച്ചു. ഇന്ന് പുലര്‍ച്ചെ മൂന്നുമണിയോടെ ആലപ്പുഴ പള്ളാത്തുരുത്തി പാലത്തിന് മുകളില്‍ നിന്നാണ് രണ്ടു പേര്‍ കായലിലേക്ക് ചാടിയത്.ലോറി ഡ്രൈവറാണ് രണ്ടു പേര്‍ കായലിലേക്ക് ചാടുന്നത് കണ്ടത്. 30 വയസ് തോന്നിക്കുന്ന സ്ത്രീയും പുരുഷനുമാണ് ചാടിയതെന്നാണ് ലോറി ഡ്രൈവര്‍ പൊലീസിനോട് പറഞ്ഞത്. ആലപ്പുഴ-ചങ്ങാനാശ്ശേരി പാതയിലാണ് പള്ളാതുരുത്തി പാലം സ്ഥിതി ചെയ്യുന്നത്. സംഭവം അറിഞ്ഞ് പൊലീസും ഫയര്‍ഫോഴ്സും അപ്പോള്‍ തന്നെ സ്ഥലത്തെത്തി തിരച്ചില്‍ നടത്തിയെങ്കിലും […]

തൃശ്ശൂര്‍: ഓടുന്ന ട്രെയിനില്‍ നിന്ന് പുഴയില്‍ വീണ് യാത്രക്കാരന്‍ മുങ്ങി മരിച്ചു. എറണാകുളം ബെംഗളൂരു എക്‌സ്പ്രസിലെ യാത്രക്കാരനായ രാം കിഷനാണ് മരിച്ചത്. മധ്യപ്രദേശ് സ്വദേശിയാണ് ഇയാള്‍. ട്രെയിന്‍ യാത്രയ്ക്കിടെ ചാലക്കുടി പുഴയില്‍ വീണ രാം കിഷന്‍ മുങ്ങിമരിക്കുകയായിരുന്നു.

മലപ്പുറം: വാഴക്കാട് ചാലിയാര്‍ പുഴയില്‍ പ്ലസ് വണ്‍ വിദ്യാര്‍ഥിനിയെ ദുരൂഹ സാഹചര്യത്തില്‍ മരിച്ചതായി കണ്ടെത്തിയ സംഭവത്തില്‍ കേസന്വേഷണ ചുമതല ക്രൈം ബ്രാഞ്ചിന് കൈമാറി. കൊണ്ടോട്ടി ഡിവൈഎസ്പിയുടെ നേതൃത്തിലായിരുന്നു ഇതുവരെയുള്ള കേസ് അന്വേഷണം നടന്നത്. കേസ് ക്രൈം ബ്രാഞ്ചിന് കൈമാറിയതോടെ അന്വേഷണ വിവരങ്ങളും നല്‍കി. പ്രാഥമിക പോസ്റ്റ്മോര്‍ട്ടത്തിന്റെ അടിസ്ഥാനത്തില്‍ പെണ്‍കുട്ടിയുടെ മരണം ആത്മഹത്യയാണെന്ന് പൊലീസ് പറഞ്ഞിരുന്നു. എന്നാല്‍ കരാട്ടേ പരിശീലകനായ ഊര്‍ക്കടവ് സ്വദേശി വി. സിദ്ദീഖ് അലി (43) പെണ്‍കുട്ടിയെ നിരന്തരം പീഡിപ്പിച്ചതായി പിന്നീട് വിവരം പുറത്തുവന്നു. പെണ്‍കുട്ടി […]