‘നിയമ ലംഘനങ്ങള്‍ റീല്‍സ് ആക്കുന്നവരോട്’; മോട്ടോര്‍ വാഹന വകുപ്പും ‘ട്രോളി’ തുടങ്ങി, കൂട്ടത്തിലൊരു ട്വിസ്റ്റും
നിയമലംഘനത്തെക്കുറിച്ചുള്ള ബോധവല്‍ക്കരണത്തിന്റെ ഭാഗമായി മോട്ടര്‍വാഹന വകുപ്പ് പുറത്തിറക്കുന്ന ട്രോള്‍ വിഡിയോ ആണ് ഇപ്പോള്‍ ശ്രദ്ധ നേടുന്നത്. ‘നിയമ ലംഘനങ്ങള്‍ റീല്‍സ് ആക്കുന്നവരോട്’ എന്ന പേരില്‍ പങ്കുവച്ച രസകരമായ ട്രോള്‍ വിഡിയോയാണ് ഇക്കൂട്ടത്തിലെ ‘നവാഗതന്‍’. സമൂഹമാധ്യമങ്ങളില്‍ ശ്രദ്ധ നേടുന്നതിനായി രണ്ടു യുവാക്കള്‍ ചേര്‍ന്ന് തയാറാക്കിയ റീല്‍സാണ് ഈ ട്രോളിന് ആധാരം. നടുറോഡിലൂടെ ഓടുന്ന ബൈക്കില്‍ സഞ്ചരിക്കുന്ന യുവാക്കളില്‍, പിന്നിലിരിക്കുന്നയാള്‍ ബൈക്ക് ഓടിക്കുന്നയാളെ ‘ലൈവായി കുളിപ്പിക്കു’ന്ന വിഡിയോയാണിത്. ഹെല്‍മറ്റ് പോലും ധരിക്കാതെയാണ് യുവാക്കള്‍ ബൈക്കില്‍ പോകുന്നത്. റോഡരികില്‍ നില്‍ക്കുന്നവര്‍ യുവാക്കളെ […]
