എറണാകുളം : അങ്കമാലിയിൽ റിമാൻഡിലായ പ്രതിക്ക് കോവിഡ്. ജില്ലയിൽ കോവിഡ് ഭീഷണി തുടരുന്ന സാഹചര്യത്തിൽ ഏറെ ആശങ്ക ചെലുത്തുന്ന സംഭവമായി പ്രതിയുടെ രോഗബാധ മാറുകയാണ്. ഇതിന്റെ ഭാഗമായി അങ്കമാലി പൊലീസ് സ്റ്റേഷനിലെ എട്ട് പൊലീസുകാരെ നിരീക്ഷണത്തിൽ പ്രവേശിപ്പിച്ചു. സ്വർണ മോഷണ കേസിൽ അങ്കമാലി തുറവൂരിൽ പിടിയിലായ മൂന്ന് പ്രതികളിൽ ഒരാൾക്കാണ് കോവിഡ് സ്ഥിരീകരിച്ചിരിക്കുന്നത്. ഇന്നലെ രോഗം സ്ഥിരീകരിച്ച പ്രതിയെ ആശുപത്രിയിലേക്ക് മാറ്റിയിട്ടുണ്ട്. സ്റ്റേഷനും പരിസരവും ഫയർ ആൻഡ് റെസ്ക്യൂ വിഭാഗം അണുവിമുക്തമാക്കി.