ഓണക്കാലത്ത് പ്ലാസ്റ്റിക് ഒഴിവാക്കാന് മുഖ്യമന്ത്രിയുടെ അഭ്യര്ത്ഥന
ഓണക്കാലത്തും ടൂറിസം വാരാഘോഷ വേളയിലും പ്ലാസ്റ്റികിന്റെ ഉപയോഗം പരമാവധി ഒഴിവാക്കാന് മുഖ്യമന്ത്രി പിണറായി വിജയന് ജനങ്ങളോട് അഭ്യര്ത്ഥിച്ചു. കച്ചവടക്കാരും സ്ഥാപനങ്ങളും സംഘടനകളുമെല്ലാം പ്ലാസ്റ്റിക് ഒഴിവാക്കുന്നതിന് സഹകരിക്കണം. ഉപയോഗശേഷം പുറന്തള്ളുന്ന പ്ലാസ്റ്റിക് പരിസ്ഥിതിക്ക് വിനാശകരമായ ആഘാതമുണ്ടാക്കുമെന്നും മനുഷ്യന്റെ ആരോഗ്യത്തിന് ഹാനിയുണ്ടാക്കുമെന്നും തിരിച്ചറിഞ്ഞ് നിലവിലുള്ള രീതികള് മാറ്റാന് എല്ലാവരും തയ്യാറാകണം. മനസ്സുവെച്ചാല് മലയാളികള്ക്ക് അതിന് കഴിയും. വിവാഹങ്ങള്ക്കും വലിയ സമ്മേളനങ്ങള്ക്കും ഗ്രീന് പ്രോട്ടോക്കോള് സര്ക്കാര് തീരുമാനിച്ചപ്പോള് അത് വിജയിക്കുമോ എന്ന് പലര്ക്കും സംശയമുണ്ടായിരുന്നു. എന്നാല്, കേരളത്തില് അതു വലിയ വിജയമായി. […]
