കേരള സ്റ്റേറ്റ് സര്‍വീസ് പെന്‍ഷനേഴ്‌സ് യൂണിയന്‍ കൊടിയത്തൂര്‍ യൂണിറ്റ് സംഘടിപ്പിക്കുന്ന കൈത്താങ്ങ് പദ്ധതിയുടെ വിതരണത്തിന് ഈവര്‍ഷം തുടക്കമായി. യൂണിയന്റെ പ്രവര്‍ത്തന പരിധിയില്‍ പെട്ട നിരാലംബര്‍ക്കാണ് ഈ സഹായധനം നല്‍കുന്നത്. പദ്ധതിയുടെ ഈ വര്‍ഷത്തെ ഉദ്ഘാടനം കെ എസ് എസ് പി യു കോഴിക്കോട് ജില്ലാ ജോ: സെക്രട്ടറി വളപ്പില്‍ വീരാന്‍കുട്ടി ഉമൈബാനു ടീച്ചര്‍ക്ക് നല്‍കി നിര്‍വ്വഹിച്ചു. കൊടിയത്തൂര്‍ യൂണിറ്റ് 9 പേര്‍ക്കാണ് കൈത്താങ്ങ് പദ്ധതിയുടെ സഹായം നല്‍കുന്നത്. വര്‍ഷത്തില്‍ ഒരാള്‍ക്ക് 6000 രൂപ രണ്ടു ഗഡുക്കളായാണ് നല്‍കുന്നത്. […]

തിരുവനന്തപുരം: സാമൂഹ്യസുരക്ഷാ പെന്‍ഷന്‍ ഗുണഭോക്താക്കള്‍ക്ക് വീട്ടിലെത്തിക്കുന്നതിന്റെ ഇന്‍സെന്റീവായി 40.50 കോടി രൂപ അനുവദിച്ചതായി ധനകാര്യ മന്ത്രി കെ എന്‍ ബാലഗോപാല്‍ അറിയിച്ചു. ആറു മാസത്തെ പെന്‍ഷന്‍ വിതരണവുമായി ബന്ധപ്പെട്ട് സഹകരണ സംഘങ്ങള്‍ക്ക് ലഭിക്കേണ്ട ഇന്‍സെന്റീവ് അനുവദിക്കണമെന്ന ശിപാര്‍ശ ലഭിച്ച മുറയ്ക്ക് തുക അനുവദിക്കുകയായിരുന്നു. 22.76 ലക്ഷം ഗുണഭോക്താക്കള്‍ക്കാണ് സഹകരണ സംഘങ്ങള്‍ വഴി നേരിട്ട് ക്ഷേമ പെന്‍ഷന്‍ എത്തിക്കുന്നത്. ഓരോ ഗുണഭോക്താവിനും 30 രൂപ വീതം ഇന്‍സെന്റീവ് അനുവദിക്കുന്നു. സംഘങ്ങള്‍ ഏര്‍പ്പെടുത്തുന്ന വിതരണക്കാരുടെ പ്രതിഫലവും ഇതില്‍നിന്നാണ് വിതരണം ചെയ്യുന്നത്. […]

തിരുവനന്തപുരം: വിഷുവിനു മുന്നോടിയായി ഒരു ഗഡു ക്ഷേമ പെന്‍ഷന്‍കൂടി അനുവദിച്ചു. സാമൂഹ്യസുരക്ഷ, ക്ഷേമനിധി പെന്‍ഷന്‍ ഗുണഭോക്താക്കള്‍ക്ക് ഏപ്രില്‍ മാസത്തെ പെന്‍ഷനാണ് വിഷുവിന് മുമ്പ് വിതരണം ചെയ്യുന്നത്. ഇതിനായി 820 കോടി രൂപ അനുവദിച്ചതായി ധനകാര്യമന്ത്രി കെ എന്‍ ബാലഗോപാല്‍ അറിയിച്ചു. 62 ലക്ഷത്തോളം പേര്‍ക്കാണ് 1600 രൂപവീതം ലഭിക്കുന്നത്. അടുത്ത ആഴ്ച ഗുണഭോക്താക്കള്‍ക്ക് പെന്‍ഷന്‍ ലഭിച്ചുതുടങ്ങും. വിഷുവിനുമുമ്പ് മുഴുവന്‍ പേര്‍ക്കും പെന്‍ഷന്‍ ലഭിക്കുന്നുവെന്ന് ഉറപ്പാക്കാന്‍ ധനകാര്യ മന്ത്രി കെ എന്‍ ബാലഗോപാല്‍ നിര്‍ദേശിച്ചു. 26 ലക്ഷത്തിലേറെ പേര്‍ക്ക് […]

തിരുവനന്തപുരം: സംസ്ഥാനത്ത് ക്ഷേമപെന്‍ഷന്‍ വിതരണം ഇന്ന് ആരംഭിച്ചു. ഒരു ഗഡുവാണ് വിതരണം ചെയ്യുന്നത്. ഇതിനായി ധനവകുപ്പ് 900 കോടി രൂപ അനുവദിച്ചിരുന്നു. 1600 രൂപ വീതമാണ് ഗുണഭോക്താക്കള്‍ക്ക് പെന്‍ഷന്‍ ലഭിക്കുക. ബാങ്ക് അക്കൗണ്ടുകളില്‍ പെന്‍ഷന്‍ ലഭിക്കുന്നവര്‍ക്ക് ആ രീതിയിലും വീട്ടില്‍ പെന്‍ഷന്‍ ലഭിക്കുന്നവര്‍ക്ക് സഹകരണ സംഘം ജീവനക്കാര്‍ വഴിയും എത്തിക്കും. ബജറ്റ് പ്രഖ്യാപനത്തിന്റെ അടിസ്ഥാനത്തില്‍ എല്ലാ മാസവും കൃത്യമായി പെന്‍ഷന്‍ വിതരണം ചെയ്യുക എന്ന തീരുമാനമാണ് സര്‍ക്കാര്‍ നടപ്പാക്കുന്നത്.