പുതുപ്പള്ളി സെന്റ് ജോർജ് ഓർത്തഡോക്സ് വലിയ പള്ളിയിൽ സംസ്കാര ശുശ്രൂഷകളുടെ അവസാന ഭാഗവും പൂർത്തിയാക്കി ഉമ്മൻ ചാണ്ടിയുടെ ഭൗതികദേഹം സംസ്കരിച്ചു. പള്ളിയിലെ അന്ത്യ ശുശ്രൂഷകൾക്കു ശേഷം ഉമ്മൻ ചാണ്ടിയുടെ മകൻ ചാണ്ടി ഉമ്മൻ എല്ലാവർക്കും നന്ദിയറിയിച്ചു. തൊണ്ടയിടറുന്ന മുദ്രാവാക്യം വിളികൾക്കിടയിലൂടെയും വിലാപഗാനത്തിന്റെ അകമ്പടിയോടെയും പുതുപ്പള്ളി പള്ളിയിലെത്തിച്ച മൃതദേഹത്തിൽ, അദ്ദേഹത്തിന്റെ മരണത്തിന്റെ മൂന്നാം ദിനം രാത്രി വൈകിയും നൂറു കണക്കിനു പേർ അന്ത്യാഞ്ജലി അർപ്പിച്ചു. എത്ര തിരക്കുണ്ടെങ്കിലും എല്ലാ ഞായറാഴ്ചയും മുടങ്ങാതെ എത്തിയിരുന്ന പുതുപ്പള്ളി പള്ളിയിലേക്കുള്ള ഉമ്മൻ ചാണ്ടിയുടെ […]

പ്രിയ നേതാവിന്റെ വേർപാടിൽ കണ്ണീരണിയുകയാണ് കേരളജനത. ചൊവ്വാഴ്ച്ച പുലർച്ചെയാണ് മുൻ മുഖ്യമന്ത്രിയും കോൺഗ്രസ് നേതാവുമായി ഉമ്മൻ ചാണ്ടി അന്തരിച്ചത്. തിരുവനന്തപുരത്തെ പൊതുദർശന ചടങ്ങുകൾക്ക് ശേഷം ജഗതിയിലെ പുതുപ്പള്ളി ഹൗസില്‍ നിന്ന് മൃതദ്ദേഹവുമായി വിലാപയാത്ര കോട്ടയത്തേക്ക് പുറപ്പെട്ടു. തിരുവനന്തപുരത്തെ വസതിയിൽ അനവധി പ്രമുഖർ പ്രിയ നേതാവിനെ കാണാനെത്തി. ഇന്ന് രാവിലെയാണ് നടൻ ജഗദീഷ് വസതിയിലെത്തിയത്. ഉമ്മൻ ചാണ്ടി എന്ന നേതാവ് തന്റെ ജീവിതത്തിലെ ഏറ്റവും പ്രിയപ്പെട്ട വ്യക്തികളിലൊരാളായിരുന്നെന്ന് പറയുകയാണ് ജഗദീഷ്. നേതാവിന്റെ ചേതനയറ്റ ശരീരം കണ്ട് ജഗദീഷ് വികാരാധീനനാവുകയും […]

മുൻ മുഖ്യമന്ത്രി ഉമ്മൻചാണ്ടിയുടെ നിര്യാണത്തെ തുടർന്ന് ഒരാഴ്ച നീണ്ടുനിൽക്കുന്ന ദുഃഖാചരണം കെപിസിസി പ്രസിഡന്റ് കെ സുധാകരൻ എംപി പ്രഖ്യാപിച്ചു. ഈ മാസം 22ന് കോഴിക്കോട് നടത്താൻ നിശ്ചയിച്ചിരുന്ന ജനസദസ്സ് ഉൾപ്പെടെയുള്ള കെപിസിസിയുടെയും കോൺഗ്രസിന്റെയും പോഷകസംഘടനകളുടെയും സെല്ലുകളുടെയും എല്ലാ പൊതുപരിപാടികളും ഒരാഴ്ചത്തേക്ക് മാറ്റിവെച്ചു . ജില്ല ,ബ്ലോക്ക് , മണ്ഡലം ,ബൂത്ത്, സിയുസി തലങ്ങളിൽ ഈ ഒരാഴ്ചക്കാലം ഉമ്മൻചാണ്ടിയുടെ അനുസ്മരണ പരിപാടികൾ നടത്തണമെന്നും സുധാകരൻ പറഞ്ഞു.

അന്തരിച്ച മുൻ മുഖ്യമന്ത്രി ഉമ്മൻ ചാണ്ടിയുടെ ഭൗതികദേഹം രാവിലെ ഒൻപത് മണി മുതൽ പത്തര വരെ ബംഗളൂരുവിലെ വീട്ടിൽ പൊതു ദർശനത്തിന് വെക്കും. അവിടെ വച്ച് രാഹുൽ ഗാന്ധിയും സോണിയാ ഗാന്ധിയും ഉമ്മൻ ചാണ്ടിക്ക് അന്തിമോപചാരമർപ്പിക്കും. നിലവിൽ ബെംഗളുരുവിലുള്ള കെ സി വേണുഗോപാലടക്കമുള്ള നേതാക്കൾ ഉമ്മൻ ചാണ്ടിയെ ആശുപത്രിയിലെത്തി കാണും. നിലവിൽ ബംഗളൂരു ചിന്മയ മിഷൻ ആശുപത്രിയിലുള്ള അദ്ദേഹത്തിന്റെ മൃതദേഹം രാവിലെ 11.30 ഓടെ ബെംഗളുരുവിൽ നിന്ന് തിരുവനന്തപുരത്തേക്ക് കൊണ്ടുവരും ബെംഗളുരുവിലെ വീട്ടിലെ പൊതുദർശനത്തിന് ശേഷം പ്രത്യേക […]