പാലക്കാട് ഓൺലൈൻ റമ്മി കളിച്ച് പണം നഷ്ടമായ മനോവിഷമത്തിൽ യുവാവ് ആത്മഹത്യ ചെയ്തു.പാലക്കാട് കൊല്ലങ്കോട് പനങ്ങാട്ടിരി സ്വദേശി ഗിരീഷാണ് ആത്മഹത്യ ചെയ്തത്. ചൊവ്വാഴ്ച പുലര്ച്ചെയായിരുന്നു സംഭവം.റമ്മി കളിച്ച് മൂന്നര ലക്ഷം രൂപയും സ്വർണാഭരണങ്ങളും ഉൾപ്പെടെ നഷ്ടപ്പെട്ടിരുന്നുവെന്ന് ബന്ധുക്കൾ പറഞ്ഞു.ഇതിന്റെ മനോവിഷമത്തിലായിരുന്നു യുവാവെന്നും മറ്റുപ്രശ്നങ്ങളൊന്നും ഇല്ലായിരുന്നുവെന്നും ബന്ധുക്കള് പറഞ്ഞു.
പണം വച്ചുള്ള ഓണ്ലൈന് റമ്മികളി നിയമവിരുദ്ധമായിപ്രഖ്യാപിച്ച സര്ക്കാര് വിജ്ഞാപനം സ്റ്റേ ചെയ്യണമെന്ന ചൂതാട്ട കമ്പനികളുടെ ആവശ്യം ഹൈക്കോടതി തള്ളി. എംപിഎല്, റമ്മി സര്ക്കിള് അടക്കമുള്ള കമ്പനികളാണ് കോടതിയെ സമീപിച്ചത്.ഇക്കഴിഞ്ഞ ഫെബ്രവരി 23നായിരുന്നു കേരള ഗെയിംമിംഗ് ആക്ടില് ഭേദഗതി വരുത്തി ഓണ്ലൈന് ചൂതാട്ടം നിരോധിച്ച് സര്ക്കാര് വിജ്ഞാപനമിറക്കിയത്. വിഷയത്തില് സര്ക്കാറിനോട് വിശദമായ മറുപടി നല്കാന് ഹൈക്കോടതി ആവശ്യപ്പെട്ടു. ഹര്ജി അടുത്ത മാസം 29ന് വീണ്ടും പരിഗണിക്കും. .
ഓണ്ലൈന് റമ്മി കളി നിയമവിരുദ്ധമായി പ്രഖ്യാപിച്ച് സംസ്ഥാന സര്ക്കാര് വിജ്ഞാപനം ഇറക്കി. കേരള ഗെയിംമിംഗ് ആക്ട് നിയമം ഭേദഗതി ചെയ്താണ് വിജ്ഞാപനം ഇറക്കിയത്. നിലവിലുള്ള നിയമത്തില് മാറ്റം വരുത്തിയ സര്ക്കാര്, പണം വെച്ചുള്ള ഓണ്ലൈന് റമ്മി കളിയെ കൂടി ഉള്പ്പെടുത്തിയാണ് പുതിയ വിജ്ഞാപനം പുറത്തിറക്കിയത്.സംസ്ഥാനത്ത് ഓണ്ലൈന് റമ്മികളി നിയന്ത്രിക്കണമെന്ന് ആവശ്യപ്പെട്ട് നേരത്തെ ഹൈക്കോടതിയില് പൊതുതാല്പ്പര്യ ഹര്ജി സമര്പ്പിക്കപ്പെട്ടിരുന്നു.
ഓണ്ലൈന് റമ്മി കേസില് ബ്രാന്ഡ് അംബാസിഡര്മാരായ താരങ്ങള്ക്ക് കേരള ഹൈക്കോടതിയുടെ നോട്ടീസ് .ക്രിക്കറ്റ് താരം വിരാട് കോഹ്ലി, നടി തമന്ന, മലയാള സിനിമാ താരം അജു വര്ഗീസ് എന്നിവര്ക്കാണ് നോട്ടീസ് അയച്ചിരിക്കുന്നത്. റമ്മി കളി തടയണമെന്നാവശ്യപ്പെട്ടുള്ള ഹരജിയിലാണ് നോട്ടീസ്. വിഷയത്തില് സംസ്ഥാന സര്ക്കാരിനോടും കോടതി വിശദീകരണം തേടിയിട്ടുണ്ട്. നേരത്തെ ഓണ്ലൈന് ചൂതാട്ട സ്ഥാപനങ്ങളുടെ പരസ്യത്തില് അഭിനയിക്കുന്നതിന് താരങ്ങള്ക്ക് കോടതിയുടെ രൂക്ഷ വിമര്ശനം നേരിടേണ്ടി വന്നിരുന്നു. വിരാട് കോഹ്ലി, ബി.സി.സി.ഐ അധ്യക്ഷന് സൗരവ് ഗാംഗുലി, ചലച്ചിത്ര താരങ്ങളായ തമന്ന, […]
