നൂറനാട് സ്റ്റേഷനിലേക്ക് വിളിപ്പിച്ച സഹോദരങ്ങൾക്ക് നേരെ എസ്ഐയുടെ വക മർദ്ദനവും അസഭ്യവർഷവും. സിവിൽ തർക്കത്തെ തുടർന്ന് സ്റ്റേഷനിലെത്തിയ സഹോദരങ്ങൾക്ക് നേരെയാണ് പോലീസിന്റെ അതിക്രമം നടന്നത്. കോട്ടയം സ്വദേശികളായ ഷാൻമോൻ, സജിൻ റജീബ് എന്നിവരാണ് എസ്ഐ അരുണിനും 4 പോലീസുകാർക്കും എതിരെ പരാതിയുമായി രംഗത്തെത്തിയത്.അതിക്രമത്തിന്റെ ദൃശ്യങ്ങൾ പകർത്തിയതിന് എസ്ഐയെ കയ്യേറ്റം ചെയ്തെന്ന പേരിൽ പിന്നീട് ഇവരെ കള്ളക്കേസിലും കുടുക്കി. അതിക്രമത്തിന്റെ ദൃശ്യങ്ങൾ പകർത്തിയെന്ന് ബോധ്യപ്പെട്ടപ്പോൾ പിന്നീട് സംഭവം മറയ്ക്കാൻ പൊലീസുകാർ ഗൂഢാലോചന നടത്തിയതിന് തെളിവായി ഓഡിയോ സന്ദേശം ലഭിച്ചിട്ടുണ്ട്. […]