പ്രസംഗം കേട്ടത് കൊണ്ട് തന്റെ രാഷ്ട്രീയ നിലപാട് മാറില്ല; എം കെ സാനു
രാഷ്ട്രീയ താല്പര്യത്തിലല്ല താൻ യുവം പരിപാടിയിൽ പങ്കെടുത്തതെന്നും സദസിന്റെ കൂട്ടത്തിലിരുന്ന് ഒരു പ്രസംഗം കേൾക്കുക മാത്രമാണ് ചെയ്തതെന്നും പ്രൊഫ എം കെ സാനു. ബി ജെ പിയുടെ പരിപാടിയിൽ പങ്കെടുത്തതിന് വിശദീകരണം നല്കുകയായിരുന്നു എം കെ സാനു. യുവം പരിപാടിയെക്കുറിച്ച് ഒന്നും പറയാനില്ലെന്ന് അദ്ദേഹം പറഞ്ഞു. ഒരു സുഹൃത്ത് വിളിച്ചത് കൊണ്ടാണ് പ്രസംഗം കേൾക്കാൻ പോയത്.ഒരു പ്രസംഗം കേട്ടതുകൊണ്ടോ പുസ്തകം വായിച്ചതുകൊണ്ടോ തന്റെ രാഷ്ട്രീയ നിലപാടിൽ മാറ്റമില്ലെന്നും അദ്ദേഹം വ്യക്തമാക്കി.