കൊല്ലം: ഓയൂരില്‍ ആറുവയസുകാരിയെ തട്ടിക്കൊണ്ടു പോയിട്ട് 20 മണിക്കൂര്‍ പിന്നിടുന്നു. എന്നാല്‍ കുട്ടിയെ തട്ടിക്കൊണ്ടുപോയ സംഘം കോട്ടയത്തെത്തിയെന്നും സൂചനയുണ്ട്. ജില്ലയുടെ അതിര്‍ത്തിയായ മോനിപ്പള്ളിക്ക് സമീപം പുതുവേലിയില്‍ പ്രതികള്‍ രാവിലെ ചായ കുടിക്കാന്‍ എത്തിയിരുന്നുവെന്നാണ് സ്ഥിരീകരിക്കാത്ത വിവരം. കടക്കാരനാണ് സംശയം പ്രകടിപ്പിച്ചത്. കാര്‍ മാറ്റിയിട്ട ശേഷം കുറച്ചു പേര്‍ കടയിലെത്തുന്നതിന്റെ സിസിടിവി ദൃശ്യങ്ങളും ലഭിച്ചിട്ടുണ്ട്.. രാമപുരം പൊലീസ് ദൃശ്യങ്ങള്‍ പരിശോധിക്കുകയാണ്.