വിവാദമായി മഹാരാജാസ് കോളേജ് വിദ്യാർത്ഥിയും എസ്.എഫ്.ഐ. സംസ്ഥാന സെക്രട്ടറിയുമായ പി.എം. ആര്‍ഷോയുടെ മാർക്ക് ലിസ്റ്റ്. മൂന്നാം സെമസ്റ്റർ ആർക്കിയോളജി വിഭാഗം പരീക്ഷ ആർഷോ എഴുതിയിട്ടില്ലെന്നും എഴുതാത്ത പരീക്ഷയാണ് ആര്‍ഷോ വിജയിച്ചതായി മാര്‍ക്കിലിസ്റ്റിലുള്ളതെന്നുമാണ് ആരോപണം. മാര്‍ക്കിന്റെ കോളത്തില്‍ ഒന്നും രേഖപ്പെടുത്തിയിട്ടില്ലെങ്കിലും വിജയിച്ചതായാണ് രേഖപ്പെടുത്തിയിരിക്കുന്നത്. ആര്‍ഷോ റിമാന്‍ഡില്‍ കഴിയുന്ന സമയത്താണ് മൂന്നാം സെമസ്റ്റര്‍ ആര്‍ക്കിയോളജി പരീക്ഷ നടന്നതെന്നാണ് സൂചന. അങ്ങനെയെങ്കില്‍ എഴുതാത്ത പരീക്ഷ ആര്‍ഷോ എങ്ങനെ ജയിച്ചുവെന്നതാണ് ഉയരുന്ന ചോദ്യം. പിന്നീട് റീ അഡ്മിഷന്‍ എടുത്താണ് ആര്‍ഷോ പരീക്ഷ എഴുതിയത്. […]